Bota

Lajme në pak minuta: Çfarë po ndodh në botë

Shkruar nga Anabel

5 Maj 2024

Lajme në pak minuta: Çfarë po ndodh në botë

Rusia thotë se është e gatshme të marrë nën shqyrtim propozimet për bisedimet e paqes me Ukrainën

Lajme në pak minuta: Çfarë po ndodh në botë

Rusia duket se është gati të shqyrtojë propozime serioze për vendosjen e paqes me Ukrainë, sipas zëdhënëses së Ministrisë së Jashtme ruse, Maria Zakharova, e cila theksoi në një konferencë shtypi se bisedimet duhet të kenë si bazë realitetet e dy vendeve dhe shqetësimet e sigurisë në Moskë.

Sipas Zakharova-s, një pjesë e propozimit duhet të përfshijë premtimin e Ukrainës se në të ardhmen do të qëndrojë ushtarakisht neutrale. Megjithatë, kjo s’është hera e parë që Rusia thotë se është e hapur për një bisedim paqeje dhe më parë, ka fajësuar Perëndimin dhe vetë Ukrainën, pasi nuk kanë pranuar kushtet e Rusisë.

Kina lëshon një anije kozmike në Hënë

Lajme në pak minuta: Çfarë po ndodh në botë

Kina nisi një sondë hënore, për të shkuar në një anë më të largët të Hënës. Sonda në fjalë do të kthehet me mostra që mund të sjellin njohuri mes dallimeve të anës së panjohur të Hënës, në krahasim me atë të eksploruar.

Panelet diellore të sondës janë hapur dhe anija kozmike është duke shkuar në Hënë. Sipas shkencëtarëve kinezë, operacioni është një “sukses i plotë”. Hëna është i vetmi satelit natyror i Tokës dhe shumë misione janë përpjekur të gjejnë jetë në satelit, por deri më tani, nuk ka dëshmi.

Rikrijohet fytyra e një gruaje neandertale, 75,000-vjeçare

Lajme në pak minuta: Çfarë po ndodh në botë

Shkencëtarët kanë mundësuar rikrijimin e fytyrës së një gruaje neandertale, e cila ka ekzistuar 75,000 vjet më parë. Ky rikrijim është bërë i mundur bazuar në mbetjet e copëzuara të një kafke, kockat e së cilës ishin tejet të buta, pasi u nxorën nga gërmimet.

Mbetjet u gjendën në shpellën Shanidar, në veri të Irakut. Fragmentet e saj u dërguan në Mbretërinë e Bashkuar dhe ekspertët mundësuan krijimin e një modeli 3D, duke na dhënë një ide se si dukeshin fytyrat e njerëzve në lashtësi.

Bregu Perëndimor/ Izraeli vret pjesëtarë të Hamasit

Lajme në pak minuta: Çfarë po ndodh në botë

Ushtria izraelite njoftoi se kanë vrarë 5 palestinezë, të cilët ndodheshin prej 12 orësh në një ndërtesë në Bregun Perëndimor. Barrikada e krijuar dhe e quajtur “Ezedin al-Kasam”, ishte në krah të Hamasit. 3 prej luftëtarëve u vranë, duke përfshirë edhe shefin e brigadës në qytetin Tulkarem.

Forcat izraelite “u përfshin në një operacion 12-orësh kundër terrorizmit në zonën e Tulkaremit”, tha ushtria dhe shërbimi sekret, në një deklaratë të përbashkët. Ndërkohë, pas nisjes së luftës në Gaza, janë ashpërsuar luftimet edhe në Bregun Perëndimor, territor palestinez, i pushtuar nga Izraeli.