Bregu Perëndimor/ Hamasi merr përgjegjësi për sulmet
Hamasi ka marrë përgjegjësi për sulmet e kryera në Bregun Perëndimor gjatë ditës së premte. Përmes një deklarate, zëdhënës të Hamasit nga brigada al-Qassam pranuan se u bënë sulme në dy makina në zonën e Gush Etzion.
Zyrtarët e Izraelit thanë se dy terroristët që dyshohen se kanë kryer këto sulme, janë eliminuar në vendngjarje. Tanimë, dhuna në territorin e pushtuar të Bregut Perëndimor është shtuar shumë. Episode të tilla kanë nisur qysh më 7 tetor 2023, kur Hamasi sulmoi Izraelin, duke nisur kështu një luftë të dhunshme në Gazë.
SHBA/ Sekuestrohet avioni i presidentit të Venezuelës
SHBA ka sekuestruar një avion që ka përdorur presidenti i Venezuelës, Nicolas Maduro. Autoretitet e kanë tërhequr avionin nga Rebublika Domenikane në Florida, pasi kanë dalë në rezultatet se blerja e tij ka shkelur rregullat e vendosura në SHBA.
Ndërkohë, në Venezuelë është rritur shumë presioni ndaj Maduro-s, lidhur me zgjedhjet e 28 korrikut, ku ai pretendon se ka fituar, megjithëse opozita ka paraqitur prova të shumta se në fakt, zgjedhjet janë fituar nga kandidati opozitar. Kjo ka ngjallur pakënaqësi në popull, si dhe reagime jashtë vendit.
Joe Biden thotë se Benjamin Netanyahu nuk po punon mjaftueshëm për lirimin e pengjeve
Joe Biden thotë se Benjamin Netanyahu nuk po përpiqet mjaftueshëm për të garantuar lirinë e pengjeve të rrëmbyer nga Hamasi më 7 tetor 2023. Biden u shpreh thjesht “jo” kur u pyet nëse presidenti izraelit po bën mjaftueshëm për lirimin e njerëzve të marrë robër, duke shtuar se SHBA nuk do të dorëzohet dhe do të bëjë sa ka mundësi për të arritur një marrëveshje.
Ndërkohë, SHBA ka paraqitur edhe një propozim të fundit si një marrëveshje finale, e cila mund të kategorizohet si “merre ose lerë”. Trysnia ndaj presidentit izraelit është rritur ndjeshëm, pasi u gjetën trupat e 6 pengjeve në tunelet e Rafah, të ekzekutuar pak para se ushtria izraelite t’i gjente.
Mungesa e infermierëve/ BE investon 1.3 milionë dollarë
Komiteti ekzekutiv i BE ka zbuluar se ka ndërmarrë një nismë të re që synon ta bëjë karrierën e infermierëve më tërheqëse, në mënyrë që të ulë largimin e infermierëve dhe zhvendosjen e tyre në mbarë Europën. Kjo nismë vjen si një përpjekje e Komitetit Europian dhe OBSH dhe përqendrohet në mbajtjen e infermierëve në vendet e tyre, si dhe në rritjen e numrit të tyre në vende të BE-së.
Nisma prej 1.3 milionë eurosh do të përkojë me masa të ndryshme gjatë 3 viteve të ardhshme dhe përparësi do t’u jepet infermierëve që përballen me pacientë më sëmundje të rënda. Për ta do të ketë programe monitorimi dhe trajnimi, të cilat janë krijuar enkas për ta bërë profesionin e tyre më tërheqës.
