Emma Stone ka deklaruar se do donte që ta thërrisnin me emrin e saj të vërtetë dhe jo me atë të skenës. Në një intervistë për “The Hollywood Reporter” e publikuar të mërkurën, ajo u shpreh: “Do doja të isha Emily”.
Stone ka shpjeguar se arsyeja pse ka zgjedhur emrin Emma Stone, ishte sepse një aktore tjetër kishte emrin Emily Stone.
“Më pas u friksova. Se di çfarë më shtyu, por para dy vitesh thjesht vendosa të mos më thërrasë njeri Emma. Më thërrisni Emily”, tha aktorja.
Ajo tregon më tej se personat me të cilët punone dhe ata që i ka të afërt e thërrasin thjesht “Em”.
Njerëzit reaguan për këtë kërkesë duke shkruar: “Sa mirë që Emily Stone po e bën këtë kërkesë. Sa keq që profesioni i saj i ka kërkuar një emër unik”.
“Unë do të thërras Emily nga sot e tutje”, shkruan një tjetër; “Emily më pëlqen më shumë”, shkruan një i tretë.
Më herët Stone ka treguar se nuk e kishte problem emrin skenik sepse i dukej i bukur, por tani nuk është më njësoj.
Artikuj të sugjeruar:
