Shannyn Weiler është një interior dizajnere e njohur për arredimin e hapësirave të brendshme në shtëpi, biznese etj. Por, një video e saj e fundit në TikTok ka shkaktuar debat duke i ndarë njerëzit në qëndrime në lidhje me dekorimin e shtëpisë me foto të vetes, fëmijëve apo familjarëve.
Në video, Shannyn thotë se ajo kurrë nuk vendos një foto personale të sajën, qoftë edhe nga momentet më të rëndësishme të jetës në murin e hapësirës së ndjenjës apo ambiente të tjera në shtëpi.
“Kështu që fotot familjare nuk janë një ide e mirë, pasi duket sikur e kthejnë këtë në një kënd të shenjtë, gati për të ndezur qirinj," thotë ajo në video.
Në vend të fotove familjare, njerëzit mund të vendosin vepra arti apo fotografi të tjera të veçanta, por jo të vetes apo familjarëve të tyre. “Nuk mund të kthehet muri i shtëpisë në një ekspozitë familjare me foto të vetes, fëmijëve apo partnerit/es. Mund të përzieni tematikat duke luajtur me foto artistike të printuara, ngjyra etj,” shton ajo.
@shannynweiler Interior design art tips Art decor interior design Interior design 2024 art prints Interior design art trends 2024 interior design trends #hometips #homedecor #wallart #decortips #walldecor #interiordesign ? original sound - ShannynWeiler
Postimi i saj shqetësoi shumë njerëz që duan të kenë foto të familjes nëpër shtëpi. Shumica e komentuesve ishin individë që e pëlqenin e idenë e këtyre fotove të shpërndara nëpër të gjithë shtëpinë dhe jo vetëm në ambientin e ndjenjës.
“Shtëpia është për ne, jo për miqtë apo shoqërinë,” komenton një grua. “Do preferoja më mirë foto të fëmijëve të mi dhe të jetës sonë, sesa printe me lule apo punime artistike të ndryshme,” thekson një tjetër.
Persona të tjerë ishin të ndarë në qëndrimin e tyre, duke menduar se një zgjedhje e tillë ishte tipike narcisiste.
Por, profesionistja Weiler nga ana e saj ka motive më të forta, bazuar edhe në planin personal dhe profesional kur thotë që kjo nuk është një gjetje e mirë. “Në fushën tonë të arredimit, të kesh shumë portrete të vetes të ekspozuar në shtëpinë tënde është njësoj si të kesh një tatuazh të vetes në trup. Duket kaq e kotë apo jo? ".
Pavarësisht mendimeve të njerëzve në lidhje me këtë çështje, zgjedhja për vendosur ose jo foto të vetes apo të familjarëve në muret e shtëpisë është diçka personale.
Artikuj të sugjeruar:
