Sara dhe Bardhi konfirmuan shtatzëninë përmes një videoje ku këngëtari i puthte barkun partneres së tij. Pas lajmit të bukur, ata ndanë me ndjekësit ndjesitë e tyre. Sara, përmes një postimi në Instastory, u shpreh:
“Vetëm 4 javë që drita jonë është mes nesh, por gëzimi ishte aq i madh sa të dy donim ta ndanim me dashamirësit tanë sa më shpejt e të gëzonim ato zemra që aq fort besuan te ne e na mbështetën në çdo hap”, e nisi postimin Sara.
Më tej, vijoi: “Uroj ta kuptoni tërheqjen tonë sado të paktë nga rrjetet dhe emisionet këto kohë. Sidomos timen. Kjo lumturi kaq e madhe për ne është edhe arsyeja përse nuk do të kemi një rikthim në “BBVA 3”. Mendojmë se kemi fituar shumë më tepër edhe se fituesi real i këtij edicioni. Ajo shtëpi na forcoi lidhjen e njëri-tjetrit prej së cilës sot po krijohet një frymë tjetër”.
Më tej, e përmbylli deklaratën: “Pjesa tjetër, urojmë të respektojnë këtë moment, i cili për ne, në fund të ditës mbetet një tjetër emocion i madh për t’u procesuar, mes një vorbulle emocionesh të tjera”.
Edhe Bardhi ka bërë një reagim në rrjetet sociale, ku shprehet: “Faleminderit Zotit! Këtë gëzim doja ta ndaja me të gjithë. InshAllah e përjeton secili prej jush se s’ka ndjenjë më të bukur e më të shenjtë”.
Sara Gjordeni dhe Bardhi konfirmuan se do të bëhen prindër. Dyshimet u ndezën në videon e publikuar nga emisioni “Cherry on Top” me Bora Zemanin, pasi në fragmente të videos, konfirmohej shtatzënia e Sarës dhe shfaqeshin një palë këpucë të bardha për bebe. Vetë Sara, përmes një postimi, na tregoi se është në pritje të ëmbël.
“Dritë, mami dhe babi shpresojnë që për ty të jenë shembulli më i mirë, se dashuria e fortë nuk pyet për asnjë lloj sfide”, shkroi Sara në mbishkrimin e videos në të cilën Bardhi i puth barkun.
