OBSH i bën thirrje SHBA-ve të ndajë informacione mbi origjinën e Covid-19 pas pretendimeve se virusi e ka origjinnën në një laborator kinez
Organizata Botërore e Shëndetësisë u ka kërkuar të gjitha vendeve të zbulojnë çfarë dinë për origjinën e Covid-19, pasi pretendimet nga disa agjenci qeveritare amerikane se virusi e ka origjinën në një laborator kinez, u mohuan nga Pekini.
“Nëse ndonjë vend ka informacion për origjinën e pandemisë, është thelbësore që ai informacion të ndahet me OBSH-në dhe komunitetin shkencor ndërkombëtar,” tha të premten drejtori i përgjithshëm i OBSH-së, Tedros Adhanom Ghebreyesus.
Drejtori i FBI-së, Christopher Wray, tha për Fox News të martën se agjencia e tij kishte vlerësuar se burimi i pandemisë Covid-19 ishte "me shumë mundësi një incident i mundshëm laboratorik në Wuhan, Kinë.”
Përplasja e trenave në Greqi: Përfundojnë operacionet për kërkimin e trupave; rritet zemërimi në popull
Ekipet e shpëtimit pritet të përfundojnë përpjekjet për të gjetur trupat e viktimave të përplasjes së dy trenave në Greqi, ndërsa rritet zemërimi te populli për përplasjen vdekjeprurëse. Të vdekur mbetën 57 njerëz, pothuajse të gjithë studentë.
Me urdhër të ministrisë së shëndetësisë, trupat do t'u kthehen të afërmve në arkivole të mbyllura "për arsye psikologjike". Në një komb ku familjet shpesh thonë lamtumirën e tyre të fundit përpara arkivolit të hapur, vendimi i ministrit ka qenë i diskutueshëm. Përplasja e trenave ka nxitur kritikat për mungesën e investimeve publike.
Shtëpia e Bardhë thotë se Joe Biden iu hoqën një lezion kanceroz i lëkurës muajin e kaluar
Joe Biden kishte një lezion kanceroz të lëkurës, konfirmoi Shtëpia e Bardhë të premten (lezion – një zonë në organ/ind që ka pësuar dëmtim për shkak të lëndimit ose një sëmundjeje). “Presidentit iu hoq një lezion lëkure nga gjoksi i tij,” tha mjeku i Biden, Kevin O’Connor, në një letër për shtypin. “Siç pritej, biopsia konfirmoi se lezioni i vogël ishte karcinomë e qelizave bazale”
Diagnoza është forma më e zakonshme e kancerit të lëkurës, që përbën pothuajse 80% të të gjithë kancereve të lëkurës. Rrallë është fatale. O'Connor tha se lloji i karcinomës nuk ishte i ndonjë lloji që mund të përhapet në pjesë të tjera të trupit përmes metastazave.
Motra e “kumbarit të fundit” të mafias siçiliane arrestohet për shënime sekrete
Motra e mafiozit italian të burgosur së fundmi, e përshkruar si "kumbari i fundit i mafias siçiliane", është arrestuar pasi policia duke kontrolluar shtëpinë e saj gjeti pizina - copëza letre që ai i përdori për të dhënë udhëzime të shtypura me dorë.
Sipas hetuesve, Rosalia Messina Denaro, motra e Matteo Messina Denaro – i cili ishte njeriu më i kërkuar i Italisë deri në arrestimin e tij më 16 janar – kishte ndihmuar vëllanë e saj të shmangte arrestimin për 30 vjet dhe kishte vepruar në emër të tij si “arkëtare” e familjes, ndërkohë që drejtonte edhe rrjetin e transmetimit të pizzini, duke i mundësuar kështu mafiozit të ruante marrëdhëniet me organizatën e tij gjatë periudhës si i arratisur.
“Rosalia Messina Denaro ishte një person i besuar,” tha Alfredo Montalto, gjykatësi që urdhëroi arrestimin e saj. “Ajo menaxhonte rrjetin e pizzini përmes të cilit Denaro u dorëzonte porositë e tij bashkëpunëtorëve të tjerë.”
