Nuk është sekret: ekspertët e të ushqyerit duan që ju të shtoni sasisë e frutave dhe perimeve, veçanërisht nëse synimi juaj është humbja e peshës.
Megjithatë, për fat të keq, jo të gjithë njerëzit e plotësojnë sasinë e rekomanduar ditore të frutave, sipas "Qendrës për Kontrollin dhe Parandalimin e Sëmundjeve". Nëse jeni një nga 9 nga 10 të rriturit që nuk keni probleme, por doni të dobësoheni, frutat e ngrira mund t'ju ndihmojnë të arrini këtë qëllim. Janë të pastra, të bëra gati, pa shumë sforcim për t’i përfshirë në receta dhe me shumë vlera ushqyese.
A janë frutat e ngrira të shëndetshme?
Frutat e ngrira përmbajnë fibra dietike, një lëndë ushqyese e rëndësishme që ju ndihmon të jeni më të ngopur për më gjatë dhe ndihmon në humbjen e peshës. Frutat mund të ndihmojnë në ngadalësimin e shpejtësisë së të ngrënit, janë me pak kalori dhe sigurojnë fibra, të cilat vendosin bazën për humbje peshe.
Por, cilat janë këto gjashtë fruta?
#1 Bananet
Bananet e ngrira janë shtesa perfekte për smoothie-t për të krijuar konsistencën kremoze dhe të ëmbël duke shtuar dozën e nevojshme për shëndetin dhe misionin tuaj për humbje peshe.
#2 Boronicat e egra
Boronicat në të gjitha format janë fantastike për çdo recetë gatimi. Të freskëta, por dhe të ngrira, sidomos ato të egrat janë një thesar vlerash ushqyese.
#3 Qershitë e athta
Qershitë e athta janë të pasura me anthocyanine dhe nëse po rrisni aktivitetin fizik për të arritur qëllimin e humbjes së peshës, ky frut i ngrirë është miku juaj më i mirë.
#4 Mangot
Ky frut në dietën tuaj rrit shanset për më shumë fibra, magnez, kalium dhe vitamina A, C dhe E, si dhe më pak sheqer të shtuar. Mangot, edhe të ngrira ka të njëjtën vlerë ushqyese.
#5 Shegët
Kokrrat e çmuara të këtij fruti janë një burim i shkëlqyer fibrash dhe antioksidantësh të rëndësishëm që ndihmojnë në eliminimin e radikaleve të lira që krijojnë dëmtime qelizore me kalimin e kohës. Shega e ngrirë është fantastike për t’u shtuar në sallatra, smoothie etj.
#6 Luleshtrydhet
Një grusht me luleshtrydhe kanë kalori të ulët dhe plot fibra që e bëjnë procesin e tretjes më të shpejtë, duke ndikuar pozitivisht në humbjen e peshës.
Artikuj të sugjeruar:
Burimi: Eating Well
