Selena Gomez mërzitet sa herë mendon për komentet e saj në të shkuarën, referuar trupit të saj dhe shprehet se është sjellë shumë keq me veten.
Këngëtarja dhe aktorja, 31 vjeç, e cila prej vitesh ka dhënë intervista ku ka folur hapur për imazhin që ka për trupin e saj, për shkak të ndryshimeve që ai pëson nga sëmundja e lupusit dhe bipolariteti, e ka dokumentuar rrugëtimin e saj në “My Mind & Me”.
Këtë herë, në një rrëfim në panelin e SXSW, artistja u shpreh: “Sëmurem kur i dëgjoj gjërat që kam thënë për veten në fillim”, duke theksuar se dokumentari është xhiruar rreth 6 vite më parë. “Por mendoj se të gjithë mund ta kenë këtë ndjesi. Është e rëndësishme t’i flasësh vetes me mirësi, por besoj se nuk e kisha kuptuar këë në fillim”.
Ajo tha se u frymëzua për të folur për shëndetin e saj mendor, pasi u ndje sikur nuk përshtatej në industrinë e argëtimit. “Kishte shumë njerëz që u kujdesën për mua më shumë se sa unë u kujdesa për veten. Preka fundin”, rrëfeu ajo, duke treguar se iu desh ca kohë dhe përpjekje që të merrte veten. “Dua të mendoj dhe të shpresoj se jam në një vend më të mirë tani”, vijoi ajo.
Një rol në mirëqenien e saj ka luajtur edhe lidhja me Benny Blanco, me të cilin konfirmoi lidhjen në dhjetor të vitit 2023. Ajo e cilësoi Blanco-n si “gjënë më të mirë që i ka ndodhur në jetë”.
Artikuj të sugjeruar:
