Pavarësisht se përmbajnë karbohidrate dhe sheqerna natyrale, studimet tregojnë se frutat mund të jenë të dobishme për të mbajtur një peshë trupore normale. Së pari, fibrat dhe uji që gjenden te fruta mund të zgjasin ngopjen, kështu që mund të ndiheni më të ngopur për një periudhë më të gjatë pasi të keni ngrënë fruta.
Frutat nuk kanë shumë kalori, dhe në këtë mënyrë ju ndihmojnë që të humbsi peshë më kollaj. Faktorë të tjerë që ndikojnë në këtë proces janë edhe antioksidantët te frutat që mund të ndryshojnë mikrobiomën e zorrëve në një mënyrë që ju mbron nga shtimi në peshë dhe obeziteti.
Por, cili është fruti më i mirë për humbjen e peshës?
Molla zë vendin e parë për shumë arsye. Një mollë e madhe ka pesë gramë fibra, e cila është një përzierje e fibrave të tretshme dhe të patretshme. Të dyja llojet janë të nevojshme për shëndetin, por fibrat e tretshme ndihmojnë në rregullimin e oreksit duke vonuar zbrazjen e stomakut, gjë që ju mban më të ngopur për më gjatë. Kjo mund t'ju ndihmojë të hani më pak dhe, për rrjedhojë, të humbni peshë.
Mollëve u duhet më shumë kohë për t'u përtypur, nëse e krahasojmë me disa fruta të tjera, dhe përtypja si proces pak më i gjatë ndikon te ngopja. Mollët gjithashtu tërheqin ujë në zorrën e trashë, e cila është zbuluar se zvogëlon oreksin dhe dëshirën për të ngrënë më vonë gjatë ditës.
Një studim i vitit 2015 zbuloi se ata që hanin mollë kishin 30% më pak gjasa të ishin obezë në krahasim me ata që nuk i konsumonin.
Ndaj, njerëz sa më shumë mollë në regjimin tuaj ushqimor!
Artikuj të sugjeruar:
Burimi: Today
