Sot, në gjithë botën festohet Dita Ndërkombëtare e Gruas. Jo vetëm që do të kremtohen arritjet e grave, por edhe do të vihen në dukje pengesat që hasin dita-ditës. Nëse doni të përfshiheni ose të kuptoni domethënien, ja gjithçka që duhet të dini.

Kur filloi?

Edhe pse u njoh nga Kombet e Bashkuara në 1977, Dita e Gruas e ka zanafillën në fillim të shekullit XX, kur nisën protestat për punë në Amerikën e Veriut dhe Europë. Gjatë Lufës së Parë Botërore, anëtarët e lëvizjes së grave në Rusi, festuan Ditën e parë të Gruas më 8 mars 1913 për të protestuar kundër luftës. Një vit më vonë, në të njëjtën datë, gratë në gjithë Europën u mblodhën në tubime për solidaritet.

Ç'ndodh më 8 Mars?

Pas Luftës së Dytë Botërore, thuajse të gjithë shtetet filluan ta përdornin 8 Marsin si ditën e të drejtave të grave. Më pas, më 8 mars mbahen evente dhe marshime të pafundme për të festuar arritjet e grave dhe për të luftuar për barazi.

Dita Ndërkombëtare e Gruas përqendrohet jo vetëm në festimin e kontributit të tyre të jashtëzakonshëm dhe forcës së madhe në shoqëri, por është edhe një rikujtesë për respektimin e të drejtave të tyre, duke nisur që nga barazia gjinore, e drejta e riprodhimit dhe ndërgjegjësimi për dhunën ndaj grave.