Sapo keni përfunduar një vakt të bollshëm dhe befas e gjeni veten sërish te dera e frigoriferit! Keni prapë uri, ndiheni të pangopur, një kompleks ndjesish që sjell edhe një pikëpyetje: Pse kemi uri kur sapo kemi ngrënë?
Ekspertët rendisin tetë arsye që kanë ndikim në këtë gjendje! Ja për çfarë bëhet fjalë!
#1 Ndiqni dieta
Ndoshta arsyeja më e drejtpërdrejtë pse ju jeni ende të uritur është se nuk hani mjaftueshëm. Dietat për humbje peshe, një regjim ushqimor i caktuar, bën që të eliminohen disa produkte apo ushqime të caktuara që në fakt duhen në vaktet tuaja.
#2 Nuk keni ngrënë mjaftueshëm gjatë ditës
Nëse keni ngrënë pak gjatë ditës, keni ardhur në shtëpi, keni mbushur pjatën me drithëra, sigurisht që do të ndjeheni të uritur brenda pak sekondave. Ju duhet të konsumoni vakte të bollshme, nëse doni që trupi mos t’ju jap sinjale urie.
#3 Keni nevojë për më shumë lëndë ushqyese
Ajo që hani ka rëndësi. Ekspertët thonë se dietat e pasura me proteina, fibra dhe yndyrna të shëndetshme si vaji i ullirit mund të rrisin ndjenjën e ngopjes. Peshku, frutat, perimet janë vetëm disa prej këtyre produkteve që ju duhen më shumë.
#4 Konsumoni karbohidrate të thjeshta
Një sasi e madhe e makaronave të bardha ose orizit mund të duket si një recetë që ju ngop. Por, në fakt ato mund t’ju japin idenë e urisë brenda pak minutave sepse trupi i djeg shumë shpejt këto lloj karbohidratesh.
#5 Keni shtuar aktivitetin fizik
Ushqimi nuk është "thjesht karburant". Nëse ju shtoni orët në palestër apo ecjet e gjata, duhet të konsumoni edhe më shumë ushqim.
#6 Nuk shijoni ushqimin
Ushqimi nuk është thjesht e vetëm një zakon, por një përvojë. Nëse hani mjaftueshëm për t'u ndierë të ngopur fizikisht, por nuk shijoni gjithçka konsumoni, kjo nuk çon në një ndjenjë ngopjeje. Kënaqësia dhe ushqimi duhet të ecin paralelisht në këtë proces.
#7 Jeni të lodhur
Mungesa e gjumit çon edhe në mungesë energjie, pavarësisht nëse hani mjaftueshëm.
#8 Probleme shëndetësore
Ndjenja e urisë edhe pasi keni ngrënë, mund të lidhet edhe me disa tregues shëndetësorë, si hipoglicemia ose sheqernat në gjak, ankthi, depresioni, stresi, probleme me tiroiden etj.
Artikuj të sugjeruar:
Burimi: Parade
