Mbretëresha Elizabeth mbështet titullin 'Queen Consort' për Camilla-n
Mbretëresha Elizabeth ka thënë se dëshiron që Camilla, Dukesha e Cornwall-it, të njihet si bashkëshortja mbretëreshë kur Princi Charles të bëhet mbret. Ky titull nënkupton gruan e një mbreti në fuqi dhe një bashkëshorte mbretëreshë zakonisht ndan gradën dhe statusin shoqëror të bashkëshortit të saj.
Mbretëresha feston 70-vjetorin në fron sot dhe bëri të ditur se ishte e bekuar që kishte Princin Philip në rolin e bashkëshortit. Ajo gjithashtu falënderoi njerëzit për "vullnetin e mirë" dhe "mbështetjen" që mori gjatë 70 viteve të saj si monarke.
Ndërron jetë 5-vjeçari Rayan, i cili ra në një pus në Marok
Një djalë 5-vjeçar i cili mbeti i bllokuar për katër ditë në një pus të thellë në Marok ka ndërruar jetë, tha të shtunën pallati mbretëror. Mbreti maroken Mohammed VI shprehu ngushëllimet për prindërit e djalit në një deklaratë të publikuar nga pallati. Ngjarja e rëndë tërhoqi vëmendjen mbarëbotërore.
Prej 4 ditësh, vogëlushi Rayan, 5-vjeç, gjendej i bllokuar në një pus të ngushtë prej 30 metrash që ndodhej pranë shtëpisë së tij. Rayan ra në vrimën 32 metra të thellë në fshatin e tij që prej mbrëmjes së të martës. Nisur nga mediat lokale, autoritetet, arritën të dërgonin ujë dhe oksigjen tek fëmija i ngecur në pus, por s’kishin asnjë informacion rreth gjendjes së tij.
Islanda do t'i japë fund gjuetisë së balenave deri në vitin 2024, thonë autoritetet
Një nga të vetmet vende që ende gjuan balenat në mënyrë komerciale, Islanda tha se planifikon t'i japë fund praktikës deri në vitin 2024 pasi kërkesa për mish balene po zvogëlohet.
Kërkesa për mish balene islandeze është ulur në mënyrë dramatike që kur Japonia - tregu primar i Islandës, veçanërisht për mishin e balenës – riktheu gjuetinë komerciale të balenave në vitin 2019 pas një ndërprerjeje prej tre dekadash.
Shkencëtarët zbulojnë një variant të ri të HIV shumë virulent në Holandë
Një lloj i ri shumë virulent i HIV-it është zbuluar në Holandë nga studiuesit në Universitetin e Oksfordit. Shkencëtarët besojnë se "varianti VB" ka qenë në qarkullim që nga fundi i viteve 1980. Për fat të mirë, ata zbuluan se trajtimet moderne janë efektive pasi individët me variantin kishin rikuperim dhe mbijetesë të sistemit imunitar të ngjashëm me individët me variante të tjera të HIV-it. Ekipi hulumtues theksoi se të dhënat nuk janë shkak për alarm.
Lata Mangeshkar, këngëtarja legjendare e Bollywood-it, ka ndërruar jetë në moshën 92-vjeçare
Lata Mangeshkar, një nga ikonat më të mëdha kulturore të Indisë dhe që konsiderohet si një nga këngëtaret më me ndikim të vendit, ka ndërruar jetë në Mumbai në moshën 92-vjeçare.
Kryeministri Narendra Modi kryesoi homazhet për "bilbilin e Bollywood-it", duke thënë: "Ajo lë një zbrazëti në kombin tonë që nuk mund të plotësohet. Brezat e ardhshëm do ta kujtojnë atë si një njeri të fortë të kulturës indiane, zëri melodioz i së cilës kishte një aftësi të pashembullt për të magjepsur njerëzit.”
