Çmimet Grammy u mbajtën mbrëmë (më 4 shkurt 2024) dhe siç ndodh zakonisht, kishte momente të bukura dhe të sikletshme. Gjithë sytë e botës ishin te ceremonia prestigjoze e ndarjes së çmimeve dhe sigurisht nuk u kursyen momentet e tilla.
E nisim me momente te bukura:
Taylor Swift bëri histori
Tay fitoi çmimin e 13-të për albumin “Midnight” dhe sigurisht, bëri me dije se do të vijë një album i ri. Fansat mendojnë se lidhet me regjistrimin e dytë të albumit “Reputation”, por në fakt, ajo tha se një album totalisht i ri, “The Tortured Poets Department” do të mbërrijë në prill të këtij viti dhe njerëzit mendojnë se lidhet me një histori me ish-in e saj, Joe Alwyn.
Dua Lipa nisi festën!
Dua Lipa nisi festën në skenën e Grammy-s, ku kërceu, u argëtua dhe krijoi një moment ikonik me këngën e saj “Houdini”.
Miley Cyrus këndoi këngën që i dha një Grammy, “Flowers”
Miley Cyrus prej kohësh nuk ka bërë një turne, ndaj rikthimi i saj në Grammys ishte thjesht fantastik. Ajo performoi këngën “Flowers”, e veshur si Tina Turner. Gjithçka rreth look-ut të saj, duke nisur që nga flokët e deri te vetëbesimi që shfaqi në skenë ishte thjesht fenomenale.
Celine Dion u shfaq papritur në ceremoni
Këngëtarja 55-vjeçare u shfaq surprizë në ceremoninë e Grammys, pas një kohe të gjatë larg vëmendjes së publikut, pasi vuan nga “Sindroma e Njeriut të Ngurtë”. Ajo u paraqit për t’i dhënë çmimin e “Albumit më të mirë” Taylor Sëift dhe para kësaj, u shpreh: “Faleminderit të gjithëve…Kur them se jam e lumtur që jam këtu, e them me gjithë zemër”.
Annie Lennox nderoi këngëtaren e ndjerë, Sinead O’Connor
Annie Lennox u tërhoq në vitin 2007 nga muzika, duke e lënë ish-partnerin e saj në muzikë, Dave Stewart të performonte i vetëm këngën “Sweet Dreams (Are Made of This)”, por sërish nuk mund të mungonte në Grammys. Ajo nderoi këngëtaren e ndjerë Sinead O’Connor me këngën e saj legjendare “Nothing Compares 2 U”, duke emocionuar publikun.
Momentet e sikletshme:
Travis Scott çuditi njerëzit kur u nxeh me…një karrige
Travis Scott performoi këngët e tij në një skenë të mbuluar me tym dhe bokse të mëdha, kur në një moment, nisi të përplaste në tokë një karrige, ndërsa këndonte hitin e tij “Fe!n”. Momenti ishte pak i çuditshëm dhe i sikletshëm, gjithseeesi…
Jo më i sikletshëm se injorimi i Taylor ndaj Celine Dion
Njerëzit vunë re një detaj nga Grammys dhe nxituan ta shkruanin në X (ish-Twitter): Taylor Swift injoroi Celine Dion, ku ajo i dha çmimin për “Albumin më të mirë”. Njerëzit u shprehën paksa të zhgënjyer që Tay as nuk i hodhi sytë legjendës së muzikës, Celine Dion, megjithëse, më vonë, gocat u takuan dhe biseduan, madje bënë dhe foto.
Ja prova:
Jay Z kritikon çmimet Grammy
Jay Z kritikoi çmimet Grammy, ndërsa merrte çmimin e tij Dr. Dre Global Impact. Producenti i muzikës u ngjit në skenë dhe gjatë fjalimit të tij, pretendoi se Beyoncé ka merituar “Albumin e vitit”, edhe pse s’e ka marrë kurrë si çmim. Ai u shpreh se gjithmonë ka dashur që çmimet Grammy të tregojnë rëndësinë dhe ndikimin e artistëve në kulturë.
View this post on Instagram
Ai, pa në sy të shoqen dhe u shpreh: “Nuk dua ta turpëroj atë zonjë, por ka më shumë Grammy se të gjithë dhe kurrë s’e ka fituar “Albumin e vitit”, duke shtuar: “Mendoni për këtë. Ka më shumë Grammy, nuk ka një të tillë për “Albumin e vitit”. Kjo nuk funksionon”.
Artikuj të sugjeruar:
