Një nënë në TikTok ka nxitur një mori kritikash pasi ndau me ndjekësit përmes një videoje idenë e dhuratave për festat e fundvitit për dy fëmijët e saj. Tiffany Chesson, shpjegoi në video se po planifikon që të vendosë dhurata poshtë pemës vetëm për një nga fëmijët e saj.

"Unë do blej dhuratë për vetëm një nga fëmijët e mi. Ja pse," tha ajo, ndërsa mbante në krah foshnjën e saj të mitur, për të cilën tha se do të jetë vetëm pesë muajshe kur të vijnë festat. "Unë nuk po them që kam një fëmijë të preferuar," bëri parantezën Chesson, ndërsa shpjegonte se fëmija më i vogël nuk është aq i rritur sa të kuptojë idenë e dhuratave për festa. "A ka nevojë për dhurata? Jo ajo nuk ka."

"Ajo është shumë e vogël për të kuptuar dhe vlerësuar dhuratat," vazhdoi nëna që jeton në Mbretërisë së Bashkuar, duke shtuar, "Nuk ka kuptim t'i blesh asaj një dhuratë për festa."

Ajo shtoi se nuk ka mundësi financiare për dy dhurata, pasi jeton me pagesën e lejes së lindjes. Nuk është se më e vogla nuk do të marrë fare dhurata, pasi Tifanny shpjegoi se është e hapur për të mirëpritur dhurata nga miqtë apo familjarët për festa.

Videoja ka nxitur shumë komente që e kanë e kanë konsideruar atë "nënën më të keqe në botë", megjithëse kishte edhe shumë nëna të tjera që e kuptonin qëndrimin për situatën.

"100% dakord," shkroi një përdoruese në komente, duke sugjeruar se gjërat sentimentale janë më të mira për festa, sidomos kur bëhet fjalë për një fëmijë aq të vogël. “Respektojeni atë”, komentoi dikush tjetër.

Por, disa përdorues theksuan se vetëm dhënia e dhuratave për një fëmijë mund të konfuzojë fëmijën më të madh për faktin se pse Babagjyshi nuk u sjell dhurata të gjithëve, por ka preferenca të caktuara.
Pavarësisht të gjitha qëndrimeve, nëna e re duket e vendosur në idenë e saj për të mos blerë dhurata për të dy, por vetëm për një nga fëmijët e saj dhe kush jemi ne për të gjykuar!

 
Burimi: Parade