Filmat e bukur me subjekte festash, mbrëmjet e kaluara pranë bredhit të zbukuruar dhe oxhakut të ndezur mund të jenë kartolina më e bukur për çiftet që kalojnë festat bashkë. Por, kujdes! Kjo mund të ketë pasoja të paparashikueshme në marrëdhënien tuaj.
Ekspertët e lidhjeve paralajmërojnë të gjithë çiftet që të mos pushtohen shumë nga shkëlqimi sezonal i festave; një gabim i zakonshëm që ndryshe njihet si “tinselling”.
Çfarë është “tinselling” dhe pse është e rrezikshme për marrëdhënien
I krijuar nga Tina Wilson, eksperte e takimeve dhe themeluese e aplikacionit të njohjeve Wingman, termi tinselling merr frymëzim nga dritat vezulluese të festave, të cilat shpesh i pengojnë çiftet të kuptojnë se po kalojnë një krizë.
"Çiftet kanë tendencë që të mos i prishin marrëdhëniet e tyre gjatë sezonit të festave, sepse presionet sociale dhe familjare për një ndjenjë bashkimi, dashurie dhe lumturie në këtë kohë të vitit i tejkalojnë ndjenjat e vërteta," shpjegon ekspertja.
Për disa, praktika e tinselling mund të duket si një zgjidhje e përkohshme për t'i dhënë vetes një pushim në çift. Por e vërteta është se problemet themelore në marrëdhënie vazhdojnë dhe megjithëse mund të lihen mënjanë për shkak të festave, kjo mund ta komplikojë situatën më vonë.
Duke shmangur adresimin e problemeve gjatë festave vetëm për shkak se është një periudhë pushimi, ju privoni marrëdhënien tuaj nga mundësia e zgjidhjes së çdo keqkuptimi që mund të shfaqet në momentet më të papërshtatshme.
Komunikimi i sinqertë dhe i hapur është kritik për mbijetesën e çdo marrëdhënieje, sidomos gjatë periudhave sa të bukura, por edhe stresuese të festave.
Burimi: Grazia
