E dimë që të brendshmet janë veshje delikate që kërkojnë një kujdes të shtuar kur vjen puna tek larja e tyre. 

Reçipetat nuk janë të dukshme, pra njollat apo djersa nuk bien në sy menjëherë, por sërish ato duhet të lahen. “Rreziqet që vijnë nga mbajtja në trup e reçipetave të palara, janë të shumta, pasi bakteret fërkohen në lëkurë dhe çojnë në infeksione nga dermatiti irritues tek ai alergjik,’ thotë dermatologia Leah Ansell për HuffPost

“Reçipetat mund të vishen tre deri në katër herë në javë, por nuk mund të lahen pas çdo veshjeje, vetëm nëse ju shkoni çdo ditë në palestër, ecni gjatë apo bëni xhiro me biçikletë,” thotë Laura Bruke, një stiliste e veshjeve të brendshme në New York.

“Unë i laj reçipetat e mia me dorë të paktën një herë në javë, ndërsa ato sportivet pas çdo seance në palestër apo në aktivitete sportive,” vijon Nichole de Carle, një tjetër stiliste e veshjeve të brendshme.

Pra, përgjigjja për një nga pyetjet më të diskutuara është: një herë në javë! Mënyra si ju i lani ka gjithashtu rëndësi. Ekspertët nuk rekomandojnë larjen me lavatriçe, por me dorë, sidomos nëse reçipetat kanë tela apo material të butë mëndafshi. Nëse i fusni në lavatriçe, të paktën zgjidhni programin për veshjet delikate.

Burimi: HuffPost