SHBA/ Trump thotë se nuk do të garojë më për president, nëse humbet zgjedhjet

Donald Trump, 78 vjeç, është shprehur se nuk do të garojë më për presidencën e SHBA, nëse humb zgjedhjet përballë kandidates demokrate, Kamala Harris. Trump ka qenë kandidati i republikanëve tre herë, në 3 zgjedhje radhazi.

Në një intervistë për “Sinclair Media Group”, Trump u pyet nëse do të garonte sërish nëse humb zgjedhjet dhe ai u shpre:  “Jo, mendoj se jo. Me kaq do të mbarojë. Nuk mendoj se do ta bëj”, u përgjigj Trump, duke shtuar se shpreson që partia e tij të jetë e suksesshme në zgjedhjet e nëntorit.

OKB bën thirrje për një aleancë gjithëpërfshirëse, pasi “bota është përçarë”

Sekretari i OKB, Antonio Guterres, u shpreh se nevojitet një aleancë më gjithëpërfshirëse për t’u përballur me gjithë sfidat me të cilat po haset bota. Ai u shpreh se institucionet janë të paafta dhe për sfidat e sotme dhe sigurisht, edhe për ato të së nesërmes.

Ai tha se bota është në “telashe dhe e copëtuar”, si pasojë e konflikteve të shumta dhe pabarazisë. Gjithashtu, shtoi si faktorë edhe ndryshimet klimatike dhe teknologjitë e parregulluara.

“Ne kemi nevojë për një aleancë që është më gjithëpërfshirse, më efektive, me lidhje më të forta mes institucioneve ndërkombëtare dhe njerëzve. Kjo do të thotë se duhet një përfaqësim më i madh në vendet në zhvillim”, u shpreh Guterres dhe tha se këto vende duhet të kenë edhe një zë më të fortë.

Gaza/ Ministria e Shëndetësisë bën bilancin e mjekëve që kanë ndërruar jetë nga sulmet izraelite

Më shumë se 990 mjekë palestinezë kanë gjetur vdekjen nga sulmet izraelite në Gaza, që prej nisjes së luftës mes Hamasit dhe Izraelit. Bilancin e bëri të ditur ministri palestinez i Shëndetësisë, Majid Abu Ramadan, i cili u shpreh në një deklaratë se më shumë se 300 punonjës të shërbimit shëndetësor janë arrestuar ose nuk punojnë për shkak të graveve.

Rishtazi, u vranë 5 persona të personelit të ministrisë së Shëndetësisë. Ministri kërkoi që komuniteti ndërkombëtar dhe organizatat e ndryshme të bëjnë presion mbi autoritetet pushtuese, në mënyrë që të ndalohet menjëherë agresioni, të happen pikat kufitare dhe të rinisë furnizimi me ilaçe dhe mjete mjekësore.

Francë/ Protesta kundër Emmanuel Macron

Në Paris, Lion e Marsejë janë mbledhur mijëra qytetarë për të protestuar kundër presidentit francez, Emmanuel Macron. Ata kërkojnë dorëheqjen ose shkarkimin e tij nga detyra, për shkak se Macron ka injoruar rezultatin e zgjedhjeve të përgjitshme, të cilat u fituan nga Fronti i Ri Popullor.

Macron emëroi qeverinë e re 3 muaj pas fitimit të zgjedhjeve. Kryeministër u vendos Michel Barnier (i djathtë), në vend të Lucie Castets (kandidate e koalicionit të majtë). Në protestë u mblodhën edhe firma që kërkonin largimin e tij para përfundimit të mandatit presidencial, në 2027.