Tërmeti në Marok: Macron përpiqet të qetësojë tensionet

Presidenti francez, Emmanuel Macron, është përpjekur të qetësojë tensionet me Marokun lidhur me furnizimin me ndihma humanitare, pas një tërmeti vdekjeprurës me qendër në malet Atlas.

Autoritetet marokene thanë në fillim të kësaj jave se ata ishin "përgjigjur në mënyrë të favorshme" ndaj ofertave për ndihmë nga ekipet e kërkim-shpëtimit nga Britania, Spanja, Katari dhe Emiratet e Bashkuara Arabe, por refuzuan të pranonin ndihmë nga vende të tjera, përfshirë Francën.

Në një video drejtuar publikut maroken të postuar në mediat sociale, Macron tha se ishte një çështje sovrane e Marokut nëse do të pranonte ndihmën e Francës apo jo. Më parë, në G20 në Delhi, ai tha se Franca kishte bërë "gjithçka që mund të bënte" dhe se ndihma do të shpërndahej në menjëherë sapo që kërkohej.

Tensionet mes dy kombeve ekzistonin edhe para tërmetit. Maroku nuk ka dërguar ambasadorë në Francë për muaj të tërë dhe Macron ka ndërprerë disa vizita të planifikuara shtetërore në Rabat. Sundimi kolonial francez mbi Marokun në vitet 1912-1956, ka ndikuar te marrëdhëniet midis dy vendeve.

Kim Jong-un fton Putinin në Korenë e Veriut pasi samiti i sjell lidhjet në "një nivel të ri"

Kim Jong-un ftoi presidentin Vladimir Putin të vizitojë Korenë e Veriut gjatë takimit të tyre në Rusi të mërkurën, njoftoi media shtetërore e Phenianit, mes paralajmërimeve se Kim ishte gati t'i ofronte predha artilerie Kremlinit dhe municione të tjera për luftën në Ukrainë.

Kim i tha Putinit se takimi i tyre i kishte sjellë lidhjet dypalëshe në një nivel të ri dhe shprehu gatishmërinë për të nxitur marrëdhënie të qëndrueshme dhe të orientuara nga e ardhmja për 100 vitet e ardhshme, tha agjencia e lajmeve KCNA.

Përmbytjet në Libi: frikë për epidemi

Punonjësit e kërkim-shpëtimit në qytetin e shkatërruar të Libisë, Derna, kanë bërë apel për më shumë çanta trupash (çantë që përdoret për bartjen e një kufome), pasi përmbytjet katastrofike vranë mijëra njerëz. Rreth 20,000 njerëz dyshohet se kanë vdekur.

"Ne në të vërtetë kemi nevojë për ekipe të specializuara në gjetjen e trupave," tha kryetari i bashkisë, Abdulmenam al-Ghaithi. “Kam frikë se qyteti do të infektohet me një epidemi për shkak të numrit të madh të trupave nën rrënoja dhe në ujë.”

Suedia goditet nga nivele "të paprecedenta" të dhunës së bandave

Sulmet midis bandave kanë sjellë një valë "të paprecedentë" dhune në Suedi, ka thënë shefi i policisë kombëtare. Suedia ka qenë prej disa vitesh në kontroll të një konflikti midis bandave që luftojnë për trafik armësh dhe droge, duke përfshirë armë zjarri dhe mjete shpërthyese.

Sipas të dhënave të policisë suedeze, vitin e kaluar janë regjistruar 90 shpërthime dhe 101 tentativa për sulme shpërthyese. Deri më tani këtë vit, janë regjistruar më shumë se 100 shpërthime.