Në videon e postuar në TikTok, një grua e veshur me këmishë blu dhe një kapelë mbush shishen me ujë, ndërsa qëndron në këmbë mbi shkëmbinjtë brenda shatërvanit “Fontana di Trevi”. Pasi mbaron, ajo ecën nëpër gurë kur një roje sigurie i bie bilbilit dhe shkon drejt saj.

Turistja Lex Jones që postoi videon, tha për ‘Storyful’ se: "Uau, kjo është çmenduri", kështu që nisa të xhiroj skenën. Ajo shpjegoi se: "Kudo kishte shenja dhe tabela që tregonin se ky veprim nuk lejohet".

Gruaja në video u duk e hutuar pas ndalesës që i bëri polici dhe ende shpjegonte veprimin pa e kuptuar se ishte në telashe serioze.

Nuk dihet nëse turistja është gjobitur apo ka përfunduar në polici pas incidentit.

Kjo video, vjen vetëm pak kohë pasi një qytetar nga Kalifornia xhiroi dy turistë teksa shkruanin emrin e tyre në murin e amfiteatrit të Koloseut dhe italianët i “kryqëzuan” turistët me video dhe komente në rrjetet sociale.

Një tjetër ngjarje me protagonist një turist anglishtfolës u regjistrua pak kohë më parë në Romë. Një turist të ri, gdhendi emrin e tij dhe të dashurës në një mur te Koloseu në Romë, duke nxitur reagime të ashpra.

Turisti anglishtfolës u filmua duke përdorur çelësa për të gdhendur "Ivan+Hayley 23" në murin e amfiteatrit romak 2000-vjeçar. U tha se turisti mund të përballet me pasoja të rënda: gjobë prej të paktën €15,000 dhe burg deri në pesë vjet.

Shatërvani “Fontana di Trevi”

Ky shatërvan, një burimi historik, simbol i “Dolce Vita” dhe xhevahir i stilit të vonë barok, ka qenë gjithnjë atraksion për turistët. Tradita e hedhjes së monedhës brenda në shatërvan dhe një pikë qëndrimi panoramike për vizitorët, e kanë kthyer këtë shatërvan në një nga vendet më të vizituara nga turistët.