Rusia do të lëvizë kokat bërthamore në Bjellorusi, thotë diktatori Lukashenko
Udhëheqësi bjellorus, Alexander Lukashenko, ka thënë se Rusia ka filluar të lëvizë kokat bërthamore taktike (armë që shpërthen me anë të një reaksioni bërthamor dhe që shkakton shkatërrim në masë) për ruajtje në Bjellorusi, duke shtuar se ishte e mundur që armët të kishin mbërritur tashmë në vendin e tij.
“Duhet të përgatisnim hapësirat e magazinimit dhe pjesën tjetër atje [në Bjellorusi]. Ne i kemi bërë të gjitha këto. Kjo është arsyeja pse filloi zhvendosja e municioneve bërthamore”, tha Lukashenko gjatë një samiti të Forumit Ekonomik Euroaziatik në Moskë.
Plani për të vendosur armë bërthamore taktike në tokë të huaj është i pari i Rusisë që nga viti 1991. Kremlini e ka mbrojtur vendimin duke thënë se ai po provokohet nga fuqitë perëndimore që mbështesin Ukrainën.
Ish-gardiani akuzohet për 95 akuza për abuzim seksual në burgun e grave në Kaliforni
Një ish-oficer në burgun më të madh të grave në Kaliforni është arrestuar me dyshimin se ka sulmuar seksualisht të paktën 13 persona të burgosur gjatë gati një dekade, thanë prokurorët të mërkurën. Gregory Rodriguez është akuzuar për 95 akuza për abuzim seksual, duke përfshirë përdhunim, sodomi (marrëdhënie orale ose anale), dhunë seksuale dhe përdhunim, sipas zyrës së prokurorit të qarkut Madera.
Avokatët thonë se akuzat nxjerrin në pah sjelljen e keqe sistematike dhe dhunën seksuale në burgun e grave.
Retorika anti-LGBT e qeverisë italiane fajësohet për rrahjen brutale të gruas transgjinore në Milano
Shumë njerëz në Itali pretendojnë se sulmi ndaj një gruaje transgjinore braziliane në Milano është një rast tjetër diskriminimi - i vendosur si pasojë e retorikës anti-LGBT+ të qeverisë së kryeministres Giorgia Meloni.
Një video e një gruaje trans në Milano duke u spërkatur me piper dhe duke u shkelmuar nga tre oficerë policie ka shkaktuar bujë në Itali, ku shumë njerëz fajësojnë qeverinë për politikat transfobike. Pamjet tregojnë oficerët duke goditur vazhdimisht gruan, një shtetase braziliane, ndërsa ajo ulet në tokë pa treguar asnjë lloj rezistence.
Shkencëtarët përdorin inteligjencës artificiale për të zbuluar një antibiotik të ri për të trajtuar superbakterin vdekjeprurës
Shkencëtarët që përdorin inteligjencën artificiale kanë zbuluar një antibiotik të ri që mund të vrasë një superbakter vdekjeprurës.
Sipas një studimi të ri të botuar të enjten në revistën shkencore Nature Chemical Biology, një grup shkencëtarësh nga Universiteti McMaster dhe Instituti i Teknologjisë në Massachusetts kanë zbuluar një antibiotik të ri që mund të përdoret për të vrarë një superbakter vdekjeprurës spitalor.
Superbakteri në fjalë është Acinetobacter baumannii, të cilin Organizata Botërore e Shëndetësisë e ka klasifikuar si një kërcënim "kritik" - një grup familjesh bakteresh që përbëjnë "kërcënimin më të madh" për shëndetin e njeriut. Sipas OBSH-së, bakteret kanë aftësi për të gjetur mënyra të reja për t'i rezistuar trajtimit.