Artisti gjerman Boris Eldagsen pranoi se konkurroi në Çmimet Botërore të Fotografisë nga Sony për të nxitur debat. Ai po refuzon çmimin prestigjioz në kategorinë Creative pasi u shpreh se e krijoi fotografinë duke përdorur inteligjencën artificiale.
Fotografia fituese shfaqte dy gra nga gjenerata të ndryshme. Ai tha se aplikoi kastile me këtë fotografi për të zbuluar nëse do të përgatiteshin konkurset për imazhe të gjeneruara nga inteligjenca artificiale.
“Ne, bota e fotografive, kemi nevojë për një diskutim të hapur,” tha Eldagsen. “Një diskutim rreth asaj që duam të konsiderojmë fotografinë dhe çfarë jo. A është ombrella e fotografisë mjaft e madhe për të ftuar imazhet e inteligjencës artificiale që të hyjnë? Duke refuzuar çmimin, shpresoj ta përshpejtoj këtë deba."
Ai tha se ky ishte një “moment historik” pasi ishte hera e parë që një imazh i tillë fitonte një konkurs prestigjioz ndërkombëtar fotografie, duke shtuar: “Sa prej jush e dinit apo dyshonit se ishte krijuar nga inteligjenca artificiale?”
Një zëdhënës i Organizatës Botërore të Fotografisë tha se Eldagsen kishte konfirmuar bashkëkrijimin e imazhit duke përdorur inteligjencën artificiale dhe ata ia dhanë çmimin sepse janë të hapur edhe për krijime të tilla.
“Imazhet e inteligjencës artificiale dhe fotografia nuk duhet të konkurrojnë me njëra-tjetrën në një çmim si ky. Janë entitete të ndryshme. Inteligjenca artificiale nuk është fotografi. Prandaj nuk do ta pranoj çmimin," theksoi artisti.
- Pyetëm ChatGPT se si mund ta përmirësojmë Shqipërinë dhe na dha disa zgjidhje
- I kërkuam ChatGPT ca këshilla seksi dhe përgjigjja ishte pak e sikletshme!
- Një grua e krijuar nga inteligjenca artificiale – mashtron njerëzit me foto nudo!
- Cilat vende duhet të vizitoni në Shqipëri, sipas ChatGPT
- Burri i jep fund jetës pasi një chatbot e bindi të sakrifikonte veten për klimën
