Një tren japonez me ngritje magnetike në ajër ka thyer rekordin e vet botëror të shpejtësisë duke arritur 603km/orë në një provë afër malit Fuji. Treni theu rekordin prej 590km/orë që arriti në një tjetër test javën e kaluar.
Trenat ‘Maglev’ përdorin magnetët e ngarkuar elektrikisht duke u ngritur në peshë dhe lëvizur mbi shina. Pra praktikisht gjatë lëvizjes treni rri pezull mbi shina. Qëndra Hekurudhore japoneze ( JR Central), e cila zotëron këta lloj trenash, ka si qëllim ta aplikojë këtë shërbim midis Tokios dhe Nagoya-s në vitin 2027. Largësia prej 280 kilometrash mes të dy qyteteve do të përshkohet përreth 40 minuta që është më pak se gjysma e kohës aktuale.
Gjithsesi klientët nuk do të mund ta provojnë dot këtë shpejtësi sepse kompania ka thënë se trenat e saj do të operojnë me një maksimum shpejtësie deri në 505km/orë. Aktualisht në Japoni treni më i shpejtë i quajtur ‘treni plumb’ ka një shpejtësi 320km/orë. Kostot e konstruksioneve vlerësohen të jenë 100 bilion $ vetëm për shtrirjen në Nagoya.
Kryeministri japonez Shinzo Abe do të prezantojë këtë shërbim edhe në Sh.B.A për të lidhur më shpejt New York me Washington-in.
Gjatësia gjeografike e Shqipërise nga Veriu në Jug është 355 kilometër dhe nëse do të ekzistonte një linjë hekurudhore e drejtë e tillë, për të lidhur dy skajet e vendit, ajo do të përshkohej nga ky tren për 35,3 minuta. Mbresëlënëse!
Burimi: BBC
