Bota po shërohet dhe këtë e tregon qartë bashkëpunimi i Tunës me Cozman “I Huj”, i cili rikthen edhe njëherë një dyshe ikonike.
 
Njerëzit e mirëpritën këngën me shumë dashuri dhe nostalgji, sigurisht, komentuan edhe se dyshja është prapë bashkë, pas bashkëpunimit hit “Fenix”. (Tuna dhe Cozman patën një lidhje 3-vjeçare së bashku dhe pas ndarjes, Cozman bëri një shkëputje nga muzika, Tuna u rikthye me disa këngë, por sërish sikur u tërhoq paksa nga projektet muzikore, për t’iu përkushtuar familjes dhe dy djemve, Tian dhe Zen, për të cilët bashkëprindëron me ish-bashkëshortin, Patris Berishën).

Gjithsesi, pavarësisht se ç'na thotë zemra, ne duhet ta theksojmë se është disi e paqartë situata mes dyshes, por ju e dini që ne s’rrimë dot rehat, ndaj le t’i hedhim një sy tekstit. ;)

“Per mu nuk je i huj (referuar ndarjes së tyre?)
Hala mas teje unë luj
Fjalet qe i tham krejt ranë n’ujë 
Fajin tash e mbaj e vuj”

Më pas, vijon:

“E ftohtë o nata! 
Pa ty nuk pata 
Asnjë ditë të bardhë 
U than 
Fjalet e mrama 
Dashni me drama 
Shpirtin po ma than”.

Cozman këndon këto vargje:

“Qysh me largu këtë ndjenjë të keqe 
Fajin e kom un’ e vuj bebe... 
Dhimbjen ti heke, mos e maj, trete 
S’e meritoj un’ jo, per mu lot me derdh 
Vetes nuk ia fali kurrë se premtimin e kom dhan’
Para teje s’dola burri qe ti ke mendu me kon un’
N’vena kom gjak, nuk kom ujë 
Nuk muna ty me t’harru
Për mu kurr nuk je e huj (okaaay! Adoleshentja brenda meje po qan me lot gëzimi).

E më pas:

“E hapun plaga 
Dhimbjen s’mun e plaka 
Diku n’zemër thellë 
Shpresën un’ hala e ruj”.

Nuk e dimë ende nëse Cozman dhe Tuna janë bashkë apo jo, por mund të themi që kënga është yll dhe do të na pëlqente të dinim mendimin tënd: