Në ditët e sotme, ka shumë mënyra për manikyrin, pa u dashur të lini kurrë shtëpinë. Nëse doni të kurseni para, nëse keni vendosur që të mos i bëni thonjtë me xhel për disa kohë ose nëse ndërroni mendje shpesh për modelin e thonjve dhe keni dëshirë të eksperimentoni, thonjtë artificialë janë një zgjidhje e mirë. Kushtojnë më pak dhe nuk duan shumë mund.
Si t’i vendosni? Ndiqni këto hapa:
1. Pritini thonjtë në gjatësi të shkurtër dhe limojini.
2. Me një shkop për kutikulat, shtyjini kutikulat sipër dhe nëse ka nevojë, mund t’i prisni pak.
3. Limoni butësisht sipërfaqen e thonjve.
4. Lyeni një pambuk me alkool dhe pastroni thonjtë. Alkooli largon vajin që mund të kenë thonjtë në sipërfaqe, i cili mund të ndikojë për keq te ngjitësi.
5. Zgjidhni formën që i përfshatet thoit tuaj natyral. Aplikoni ngjitësin në pjesën e brendshme të thoit artificial dhe vendoseni në thua.
6. Mbajeni të fiksuar për disa sekonda në mënyrë që të ngjitet mirë.
7. Në fund, në varësi të modelit që keni zgjedhur, mund të vijoni me dekorin.
Sa gjatë qëndrojnë? Varet. Nga 1 në 4 javë, në varësi të llojit të ngjitjes që keni përdorur si edhe sa shpesh kanë qenë thonjtë të ekspozuar ndaj ujit.
