Gjykata Penale Ndërkombëtare kërkon arrestimin e Vladimir Putin
Gjykata Penale Ndërkombëtare (GJPN) në Hagë ka lëshuar një urdhër-arresti për Vladimir Putin për mbikëqyrjen e rrëmbimit të fëmijëve ukrainas. Paneli ra dakord se kishte “baza të arsyeshme” për të besuar se Putin dhe komisionerja e tij për të drejtat e fëmijëve, Maria Alekseyevna Lvova-Belova, të mbajnë përgjegjësi për "deportimin e paligjshëm" të fëmijëve ukrainas.
Ky urdhër-arresti është një nga rastet e rralla të gjykatës së Hagës kundrejt një kryetari shteti në detyrë, duke e vënë Putinin në të njëjtin grup me Muammar Gaddafi dhe presidentin sudanez Omar al-Bashir.
Gaddafi u rrëzua dhe u vra muaj pas shpalljes së mandatit të tij. Bashir u rrëzua gjithashtu dhe aktualisht është në burg në Sudan, megjithëse ai ende nuk është transferuar në Hagë. Putini ka të ngjarë t'i shmanget drejtësisë në të ardhmen. Rusia nuk e njeh juridiksionin e gjykatës.
Të dhënat e reja për origjinën e Covid

Të dhënat gjenetike të të mbledhura në një treg ushqimor në Wuhan, Kinë, e lidhin origjinën e Covid me rakun (lloj gjitari i ngjashëm me dhelprën) duke theksuar më tej teorinë se kafshët e infektuara që shiteshin në treg përhapën koronavirusin që shkaktoi pandeminë e Covid.
Polonia dhe Sllovakia bëhen vendet e para të NATO-s që dërgojnë avionë MiG-29 në Ukrainë

Polonia dhe Sllovakia janë vendet e para të NATO-s që thonë se do të dërgojnë avionë luftarakë në Ukrainë. Kievi u ka kërkuar vazhdimisht aleatëve të tij perëndimorë që t'i dërgojnë avionë luftarakë-bombardues modernë, duke shpresuar të marrë F-16 amerikanë.
Presidenti i Turqisë i kërkon parlamentit të ratifikojë anëtarësimin e Finlandës në NATO
Presidenti turk Rexhep Tajip Erdogan tha të premten se Turqia do të ecë përpara me ratifikimin e aplikimit të Finlandës në NATO, duke i hapur rrugën vendit nordik për t'iu bashkuar NATO-s përpara Suedisë. Me marrëveshjen e Erdoganit, aplikimi i Finlandës tani mund të shkojë në parlamentin turk, ku partia e presidentit dhe aleatët e saj kanë shumicën. Ratifikimi pritet përpara se Turqia të mbajë zgjedhjet e saj presidenciale dhe parlamentare të planifikuara për në 14 maj.