Për TikTok, kanë ardhur mijëra ankesa sepse aplikacioni nuk ka funksionuar për disa orë.

Faqja Down Detector thotë se aplikacioni filloi të kishte probleme rreth orës 9:40 të mëngjesit, me ndërprerje të raportuara të faqes që papritmas u rritën nga vetëm disa përdorues në mijëra raste.

TikTok është kthyer shpejt në një prej aplikacioneve më të përdorur nga njerëzit, por mes gjithë polemikave që ka për të, jo pak përdorues menduan se aplikacioni mund të mbyllej.

Njerëzit shpejt filluan të ankoheshin sesi tani u duhet të shohin “reels-at e Instagramit” apo “videot e shkurtra në YouTube” – që sipas tyre janë të dala mode dhe një version i kopjuar i videove të TikTok.

Në SHBA ka patur thirrje për të ndaluar aplikacionin nga telefonat e njerëzve për shkak të shqetësimeve se po mbledh të dhënat e përdoruesve. Disa madje e cilësojnë aplikacionin si “spiuni kinez”.

TikTok njoftoi së fundmi planet për të kufizuar përdoruesit nën moshën 18 vjeç në vetëm 60 minuta kohë ekrani në ditë për të parë TikTok. Kjo praktikë këshillohet të bëhet dhe nga të rriturit që s’duan të shpenzojnë orë e orë të tëra në TikTok.

Burimi: LadBible