Në listën e gjërave që padyshim familja mbretërore nuk do të kishte preferuar që Princ Harry të diskutonte në librin e tij “Spare” është përvoja me drogat.
Duka i Sussex zbuloi të tjera detaje gjatë një bisede në internet me ekspertin e traumës Gabor Maté ku tha se drogat psikodelike e kanë ndihmuar atë të përballet me traumat e së kaluarës.
Psikodelikët janë një nënklasë drogash halucinogjene, efekti kryesor i të cilëve është të shkaktojnë gjendje mendore jo të zakonshme (të njohura si përvoja psikedelike ose "udhëtime" psikedelike) dhe/ose një zgjerim të dukshëm të vetëdijes.
"Ishte si të pastroje xhamin e përparmë, të hiqje filtrat jetës - këto shtresa filtrash – m’i hoqi të gjitha dhe më solli një ndjenjë relaksi, lehtësimi, rehatie,” tha ai.
“Fillova t’i merrja mënyrë rekreative dhe më pas fillova të kuptoj se sa mirë ishte për mua,” shtoi Harry. "Unë do të thoja se është një nga pjesët themelore të jetës sime që më ndryshoi dhe më ndihmoi të përballoja traumat dhe dhimbjet e së kaluarës."
"Ata të zhbllokojnë aq shumë nga gjërat që ne i mbajmë përbrenda,” tha ai.
Harry nuk është i vetmi që flet për përfitimet reale nga marrja e psikodelikëve, pasi një numër në rritje neuroshkencëtarësh besojnë se mund të përdoren për të trajtuar një sërë problemesh të shëndetit mendor. Megjithatë, duhet theksuar se marrja e tyre duhet të vijë gjithmonë pas këshillimit me mjekun specialist.
- Çfarë? Për kurorëzimin e mbretit Charles, Camilla do të vishet nga dizajneri i preferuar i Diana-s
- U tha se Harry & Meghan do të hidhnin në gjyq “South Park”, por si qëndron e vërteta?
- Mbreti Charles u përball me një moment të sikletshëm dhe sigurisht, ka lidhje me princin Harry
- Mesa duket, Harry qenkërka shumë i shqetësuar për fëmijët e William dhe Kate Middleton
- Poezia e Meghan Markle tregon më së miri realitetin e fëmijëve me prindër të divorcuar
- Princ Harry zbulon mesazhet Meghan-Kate, që shkaktuan zënkën e përfolur
