Të pastrehët dhe cilësia e dobët e jetesës janë në rritje në Francë

Të pastrehët dhe ata që jetojnë në kushte të këqija janë në rritje në Francë, ka paralajmëruar Fondacioni Abbé Pierre (FAP). Në raportin e tij vjetor të paraqitur të mërkurën, fondacioni vlerëson numrin e të pastrehëve në Francë në 330,000 - 30,000 më shumë se një vit më parë dhe ka një rritje prej rreth 130% krahasuar me vitin 2012.

Papa Françesku dënon “kolonializmin ekonomik” në Afrikë

Papa Françesku denoncoi ashpër "kolonializmin ekonomik" në Afrikë dhe në Republikën Demokratike të Kongos (DRC).

"Pas kolonializmit politik, nisi një kolonializëm ekonomik po aq skllavërues. Ky vend është kryesisht i plaçkitur, prandaj nuk arrin të përfitojë mjaftueshëm nga burimet e tij të pafundme,” tha ai. Fjalimi i tij shumë politik para autoriteteve dhe trupit diplomatik u prit me duartrokitje.

Apeli i referohet veçanërisht Republikës Demokratike të Kongos, një vend me pasuri të jashtëzakonshme dhe tokë pjellore, ku dy të tretat e rreth 100 milionë banorëve jetojnë me më pak se €2.07  në ditë.

Hungaria thotë se Suedia duhet “të veprojë ndryshe” nëse dëshiron të anëtarësohet në NATO

Qeveria e Suedisë duhet të "veprojë ndryshe" nëse dëshiron të fitojë mbështetjen e Turqisë për kërkesën për t'u anëtarësuar në NATO, tha të martën ministri i jashtëm i Hungarisë, duke shtuar se një protestë e fundit për djegien e Kuranit jashtë ambasadës turke në Stokholm ishte "e papranueshme".

Peter Szijjarto e bëri këtë koment në një konferencë shtypi pas bisedimeve me homologun e tij turk në kryeqytetin e Hungarisë, Budapest.

"Si i krishterë dhe si katolik, duhet të them se djegia e një libri të shenjtë të një feje tjetër është një akt i papranueshëm," tha Szijjarto dhe kritikoi një deklaratë të kryeministrit suedez që tha se ndonëse djegia e Kuranit ishte e papërshtatshme dhe "thellësisht mungesë respekti”, akti nuk është i dënueshëm sepse mbrohet nga e drejta e lirisë së fjalës. "Të deklarosh se djegia e një libri të shenjtë është pjesë e lirisë së fjalës është thjesht marrëzi," tha Szijjarto, duke shtuar se "ndoshta ata (Suedia) duhet të veprojnë ndryshe” nëse duan të sigurojnë mbështetjen e Ankarasë.

Drejtuesit e trenave hyjnë në grevë: Pothuajse anjë linjë nuk funksionon në Angli

Anglia nuk do të ketë pothuajse asnjë tren që do të qarkullojë të mërkurën pasi drejtuesit e mjeteve kanë hyrë në grevë. Sindikata e shoferëve të trenave paralajmëroi se mund të pasonin më shumë greva të tilla, duke pretenduar se negociatat për të zgjidhur mosmarrëveshjen e pagave nuk kanë përparuar. Ata kërkojnë rritje të pagave.

Sipas sindikatës, grevat që nga qershori i kanë kushtuar industrisë rreth £480 milionë të ardhura të humbura nga biletat.