Edhe një herë, Ellen DeGeneres është nën kritika për mënyrën se si ka trajtuar një prej të ftuarve në programin “Ellen Show”, tashmë të anuluar.
Sipas modeles Emily Ratajkowski, Taylor Swift, është poshtëruar nga Ellen, kur karriera e saj sapo kishte filluar.
“Kjo është e frikshme”, komentoi 31-vjeçarja në një video virale në TikTok.
“Ajo praktikisht po i lutet të ndalojë, por Ellen vazhdon”.
Në videon e komentuar ndodheshin dy intervista të Swift. Njëra ishte nga intervista e saj e vitit 2019, me Zane Lowe, dhe tjetra nga paraqitja e saj në 2012-ën në Ellen DeGeneres. Swift nuk përmend emra, por ajo dukshëm po flet për daljen e saj në Ellen, gjatë bisedës që bën me Zane.
Këngëtarja përmend një intervistë të vjetër që ajo dha kur ishte 23 vjeçe, e cila e bëri të ndihej e shqetësuar, sepse në atë kohë, prezantuesit përpiqeshin ta “zvogëlonin” dhe ta lidhnin figurën e saj vetëm me kronika rozë.
“Është një mënyrë për të ‘kapur’ një grua që po bën punën e saj me sukses dhe për t’ia minimizuar asaj aftësitë në një farë mënyre”, vazhdoi Swift.
DeGeneres, e cila kërkoi falje për kultivimin e një vendi "toksik" pune në vitin 2020, i dha fund programit të saj të gjatë në maj 2022 pas 19 sezonesh.
Burimi: Page Six
