Cristiano Ronaldo bëri bujë në mbarë botën pasi nënshkroi kontratën me Al-Nassr, për të luajtur në Arabinë Saudite, për të paktën dy sezone. Megjithatë, protagonistja kryesore e mbërritjes së tij në Arabi, duket se është bërë Georgina Rodriguez.
Ligjet në Arabinë Saudite do ta detyrojnë Rodriguez të bëjë disa ndryshime. Ajo u pa gjatë prezantimit, e veshur me të zeza, dhe me një "tunikë" prej kadifeje, në ngjyrë kafe, shumë e ngjashme me atë që zakonisht veshin vajzat në këto vende.
Cili është kodi i veshjes?
Arabia Saudite nuk është saktësisht një vend miqësor për gratë, për të mos përmendur që ligjet e saj të rrepta fetare mund të jenë pengesë për marrëdhënien e çiftit pasi futbollisti dhe modelja nuk janë të martuar. Por sipas disa raportimeve të mediave, autoritetet do ta injorojnë shkeljen në këtë rast.
Rodriguez do të duhet të ndryshojë mënyrën se si vishet në publik. Ajo duhet të vishet pa dekolte, pa rroba të ngushta, pa veshje të shkurtra dhe me pak fjalë, pa ekspozuar asgjë.
Në një postim në Instagram, Rodriguez, sidoqoftë, falenderoi vendin për mikpritjen.
"Faleminderit shumë Arabia Saudite për një mirëseardhje kaq të mrekullueshme. Jemi jashtëzakonisht të emocionuar për këtë aventurë të re dhe dëshirojmë të falënderojmë të gjithë ata që e bënë të mundur. Jam shumë mirënjohëse të shoh Cristiano-n drejt një të ardhmeje të ndritur. Gjithmonë së bashku me familjen tonë të bukur."
Vieë this post on Instagram
