Bashkëprindërimi me Kanye-n nuk është i lehtë, sipas Kim Kardashian.
42-vjeçarja shpërtheu në lot, ndërsa përshkruante në detaje vështirësitë e rritjes së katër fëmijëve me ish-bashkëshortin Kanye West në një nga episodet e podcast-it "Angie Martinez IRL".
Themeluesja e Skims shpjegoi se ajo bën një përpjekje të përbashkët për të mbrojtur fëmijët e saj nga sjellja e diskutueshme e babait të tyre.
“Kam pasur babanë më të mirë, kam pasur kujtimet më të mira dhe kjo është gjithçka që dua për fëmijët e mi”, shpjegoi Kardashian, e cila ishte shumë e lidhur me babain e saj të ndjerë, Robert Kardashian.
"Kjo është ajo që unë do të dëshiroja për ta. Nëse ata nuk i dinë gjërat që thuhen ose çfarë po ndodh në botë, pse t'ua sjell atë energji? Kjo është diçka të rriturish, me të cilën ata nuk janë gati të përballen.”
Kim shton:
“Një ditë, fëmijët e mi do të më falënderojnë që u ula këtu dhe nuk e shava babin e tyre kur munda."
Megjithatë, Kim rrëfeu se të heshtësh për titujt e West është bërë gjithnjë e më e vështirë.
“Patjetër që e mbrojta atë dhe do ta bëj akoma në sytë e fëmijëve të mi për fëmijët e mi. Në shtëpinë time, fëmijët e mi nuk dinë asgjë që ndodh në botën e jashtme."
Kim bëri kërkesë për divorc në shkurt 2022, pas 7 vitesh martesë. Ata kanë 4 fëmijë së bashku, North, 9 vjeç, Saint, 7 vjeç, Chicago, 4 vjeç dhe Psalm, 3 vjeç.
Burimi: Page Six
