Eurostat ka publikuar indeksin e çmimeve të restoranteve dhe hoteleve, të matura sipas fuqisë blerëse, ku si bazë krahasimi merret mesatarja e Bashkimit Europian (BE=100).
Shteti më i shtrenjtë në Europë është Zvicra, ku hotelet dhe restorantet kushtojnë sa 168% e mesatares europiane. Shpenzimet për banor për hotele e restorante në vitin 2021, sipas Eurostat, në Bashkimin Europian ishin 1,067 euro, ndërsa në Zvicër i kalojnë 2,200 euro.
Portugalia është një nga vendet më të lira të Bashkimit Europian për të qëndruar në hotel dhe për të shkuar në restorante, me rreth 73% të mesatares europiane.
Vendet e rajonit në përgjithësi janë ndër më të lirat në Europë, ku akomodimi dhe ushqimi kushton mesatarisht sa gjysma apo më pak e mesatares europiane. Shqipëria dhe Maqedonia e Veriut janë jo vetëm më të lirat në rajon, por edhe ndër më të lirat në Europë, me 46.2% të mesatares europiane.
Akomodimi dhe ushqimi në Turqi është më i liri në Europë, me vetëm 42% të mesatares europiane.
Artikullin e plotë e lexoni në Monitor.al.
Artikuj të rekomanduar:
