Armina Mevlani mund të mos jetë aktualisht shtatzënë, por planet për një bebush janë të afërta. Gjatë episodit të djeshëm të "Goca dhe Gra" teksa diskutonin për trendet e 2022-shit dhe emrat e bebeve, vëmendja u zhvendos tek Armina. E pyetur nëse ka diçka për të treguar, Armina u shpreh:

"Unë emrat i kam ruajtur që në moshë shumë të vogël se jam shumë e fiksuar për këto gjëra, por sigurisht tani dihet çfarë vjen. Thjesht e kam marrë pak pushim se ishte shumë e lodhshme si periudhë. Organizimi i dasmës, gjithçka tjetër, ende s'kam marrë veten. Ndoshta kur të vijë ai moment do zbulojmë detajet..."

Kujtojmë se Armina Mevlani dhe Shkëlzen Berisha u kurorëzuan në 25 shtator të këtij viti në një ceremoni të mbajtur në një agroturizëm në Shijak. Dasma e çiftit u përfol shumë asokohe për detajet e dasmës, përfshi këtu dekorin dhe menunë e cila ishte tradicionale shqiptare bashkë me pijet që ishin prodhim i vendit tonë.

Armina dhe Shkëlzeni u fejuan në tetor të vitit 2018, në një ceremoni intime. Ai i propozoi për martesë kohë më parë në liqenin e Como-s, Itali.