Meghan Markle ka diskutuar edhe njëherë publikisht se si ajo i përkufizon mendimet rreth vetëvrasjes, duke u mbështetur në përvojat e saj negative të shëndetit mendor.
Dukesha e Sussex-it, e cila tani është 41 vjeç, ka folur në NYC Gala 2022, një event bamirësie i Alex Balwdin, për faktin se dikur ka menduar t’i japë fund jetës.
“Siç mund ta imagjinoni, nuk është një vendim i lehtë për t’u marrë, por kur nuk sheh asnjë rrugëdalje tjetër, bëhet kaq e vështirë.”
Ajo shtoi:
“Unë nuk dua që askush të ndihet vetëm. Me gjithë situatat sfiduese që po kalojmë vitet e fundit, përfshirë edhe pandeminë, nuk është çudi që ka një rritje të numrit të njerëzve që kanë nevojë për ndihmë. Ne të gjithë duhet, kur të mundemi dhe nëse ndihemi mjaftueshëm të guximshëm, thjesht të flasim sinqerisht për përvojat tona.”
Markle ka treguar se “nuk donte të ishte më gjallë”, gjatë kohës kur ajo u bë objekti kryesor i mediave pas lidhjes së saj me princ Harry-n dhe dramave që pasuan.
Në nivel ndërkombëtar, rreth 800,000 njerëz vdesin nga vetëvrasja çdo vit. Për shkak të stigmës që lidhet me vetëvrasjen – dhe faktit që ajo është e paligjshme në disa vende – kjo shifër ka të ngjarë të jetë gjithashtu e nënvlerësuar.
Nëse keni mendime të tilla, flisni me dikë dhe konsultohuni menjëherë me një profesionist të shëndetit mendor!
