Aktorja Patricia Arquette ka qenë plotësisht e sinqertë rreth presionit të Hollywood, rrjeteve sociale dhe shoqërisë në përgjithësi, përsa i përket plakjes.
Arquette ka aktruar që në moshën 19-vjeçare dhe gjatë 35 viteve të fundit ka luajtur në shumë filma dhe seriale televizive të suksesshme.
Kjo do të thotë se ajo i njeh mjaft mirë rregullat strikte të Hollywood në lidhje me paraqitjen fizike. 54-vjeçarja thotë se ekziston një "presion i vërtetë për t'u dukur në një mënyrë të caktuar".
Dhe pse Patricia pranon se “të gjithë duhet të bëjnë çfarë duan me fytyrën e tyre”, ajo gjithsesi nuk e mohon se ndoshta do i duhet të bëjë disa ndryshime, nëse do të qëndrojë në një hap me kërkesat e industrisë.
Ndaj aktorja ka treguar se po mendon seriozisht t’i nënshtrohet një ndërhyrjeje kirurgjikale.
“Kjo është fytyra ime dhe e kam menduar jo pak herë që një ditë të vendos të bëj lifting të fytyrës”, shprehet ajo.
Por fakti që ajo po mendon të luajë sipas “rregullave” të Hollywood nuk do të thotë se 54-vjeçarja nuk është e vetëdijshme se këto kërkesa ndonjëherë mund të jenë absurde.
"Ka vërtet shumë presion mbi aktoret, që të duken në një mënyrë të çuditshme dhe joreale. Nuk duhet të plakesh. Duhet të konsiderohesh gjithmnë tërheqëse. Mund të jesh 50 vjeç, po duhet të dukesh të paktën si 35.”
Burimi: People
