Paralajmërimi i Bankës së Amerikës: "Po përballemi me një shok të shkaktuar prej recensionit ekonomik"

Banka e Amerikës ka paralajmëruar se niveli i lartë i inflacionit është një kërcënim serioz për ekonominë, rimëkëmbja e së cilës filloi përgjatë dy viteve të fundit. 

"Inflacioni po përkeqësohet dhe kjo sapo ka filluar!"- u shprehën zyrtarë të lartë të Bankës së Amerikës. 

Kjo deklaratë erdhi pas raportit të publikuar, ku dukej qartë se çmimet për konsumatorët vetëm në mars u rritën me 8.5%, rritja më e lartë e çmimit që prej dhjetorit të 1981-shit. 

Ata u shprehën se aktualisht "niveli i inflacionit është jashtë kontrrollit".

Për herë të parë, presidenti Biden i quan mizoritë në Ukrainë "genocid"

Kreu amerikan, Joe Biden për herë të parë tha publikisht se mizoritë e kryera në Ukrainë mund të cilësohen pa frikë si "genocid" një emërtim të cilin më herët ishte përpjekur ta shmangte, por pas situatave të qyteteve dhe civilëve të vrarë nga forcat ruse, nuk ka një tjetër emërtim.

"E quaj genocid sepse sa vjen dhe bëhet më e qartë që Putin thjesht po përpiqet edhe të fshijë idenë e të qënit ukrainas. Eshtë ndryshe çdo javë, ka më shumë prova për gjërat e tmerrshme që rusët kanë bërë në Ukrainë dhe ne po mësojmë ditë pas dite më shumë."

Kjo deklaratë vjen pak ditë pasi Biden akuzoi rusët për "krime lufte", deklaratë e cila s'u prit aspak mirë nga Kremlini.

Një kometë masive pritet të kalojë pranë Diellit në 2031-shin

Një kometë edhe më e madhe se Rhode Island po afrohet drejt nesh, por fatmirësisht Toka nuk është në një rrezik të ngjashëm me atë të filmit "Don't Look Up"!

Edhe pse kometat dallohen më së shumti për "bishtin e tyre",  i cili mund të shtrihet për miliona milje, zemra e një komete është bërthama e saj e fortë. Kjo bërthamë është e përbërë nga akulli dhe pluhuri, duke formuar kështu një "top bore".

Bërthama e kësaj komete është 50 herë më e madhe se e të tjerave dhe masa e saj arrin deri në 500 trilionë ton, që do të thotë se është 100,000 herë më e madhe se madhësia e një komete tipike.

Sipas Zelensky, Rusia ka pësuar humbje të pariparueshme

Presidenti i Ukrainës, Volodymyr Zelensky tha se forcat ruse janë përballur me “humbje të pariparueshme” që nga fillimi i pushtimit të tyre.

“A ju kujtohet sesi Rusia mburrej se do të pushtonte Kievin për 48 orë? Në 48 orë, që zgjatën për 48 ditë, ushtria ruse arriti një nivel humbjesh të pariparueshme më të larta se Bashkimi Sovjetik gjatë dhjetë viteve të luftës në Afganistan.” - u shpreh ai.

Plani i Rusisë për të sulmuar kryeqytetin ukrainas Kiev që në ditën e parë të luftës më 24 shkurt, u bllokua pasi trupat e saj pësuan humbje të mëdha. Aktualisht, forcat ruse tani janë tërhequr plotësisht nga kryeqyteti Kiev, por po zhvendosen në rajonet lindore të Donetsk dhe Luhansk.

Burimi: CNN, BBC