E besoni dot që kanë kaluar vetëm dy muaj që nga koha kur Julia Fox dhe Kanye West ishin të lidhur. Po, e dimë...duket një përjetësi. Sidoqoftë, rikthehemi te tema e diskutimit.
Në një postim të fundit në TikTok, Julia iu drejtua një komentuesi i cili e pyeti se pse u lidh me një person si Kanye West, duke iu referuar deklaratave të tij për hebrenjtë. Në shpjegimin e saj, Fox u kujtoi të gjithëve se ajo dhe Kanye ishin bashkë para se ai të bënte komentet e diskutuara gjatë.
"Në rregull, unë thjesht do të shkruaja për të në librin tim dhe ju do ta blinit të gjithë, por thjesht do t'jua tregoj falas. Para së gjithash, ai ishte normal kur ishte me mua dhe jo vetëm kjo, por Kardashians, kur kisha një linjë mode 10 vjet më parë, blinin rrobat e mia dhe i shisnin në dyqanet e tyre, kështu që kam pasur gjithmonë dashuri për Kim-in, veçanërisht për Kourtney-n, ose më saktë për Khloe, Kim dhe Kourtney.
Më pas ajo ndalet te Kanye:
“Më kujtohet që thjesht më dërgonte mesazhe, unë nuk përgjigjesha. Më dukej sikur nuk doja të flisja përsëri me këtë personazh të famshëm. E dini çfarë dua të them? Asgjë nuk ndodh kurrë. Ata janë disi të mërzitshëm. Ata nuk janë siç mendon se do të jenë. Por ai vazhdoi të shkruante dhe të shkruante.”
Po pastaj?
“Por më pas mendova: ‘Oh, Zot, mbase mund ta largoj nga Kim-i. Ndoshta mund ta shpërqendroj, thjesht ta bëj që të më pëlqejë dhe e dija që nëse dikush mund ta bënte këtë, isha unë, sepse kur e vendos diçka, e bëj.”
Në vijim, Julia shtoi se kur ishin bashkë, Kanye “nuk ishte në Twitter. Nuk kishte asnjë rrjet social. Nuk foli për marrëdhënien e tij.”
“Ne folëm vërtet vetëm për veshjet dhe ide dhe plane të çuditshme për të ardhmen dhe shpresat dhe ëndrrat tona për fëmijërinë dhe edukimin. Ishte me të vërteta diçka e bukur,” tha ajo.
Ajo përfundoi duke theksuar se i dha fund marrëdhënies kur e pa se nuk po funksiononte. “Megjithatë, e respektoj shumë si artist. Nuk dua të tallem me atë. Nuk dua ta zhvlerësoj karrierën e tij nga disa momente vërtet të këqija. Por unë mbështes komunitetin hebre.”
Julia, të të shkruajmë nëse duam të heqim qafe ish-in?
