Njerëzit pinë alkool për shumë arsye dhe të gjithë mund të kenë historinë e tyre unike se kur dhe pse kanë filluar të pinë. Sidoqoftë, motivet e pirjes ndahen në 4 kategori themelore:
1. Ballafaqimi me emocionet e pakëndshme (përballimi)
2. Përpjekja për t'u përshtatur (rehatia)
3. Dëshira për efektet e këndshme që lidhen me alkoolin
4. Të shijuarit e shoqërisë së të tjerëve (sociale)
Dy të parat quhen motive negative të pirjes dhe përdoren për "t'u përballur" me çdo vështirësi, pakënaqësi nga jeta. Dy të fundit quhen motive pozitive të pirjes dhe kanë të bëjnë me përdorimin e alkoolit për argëtim.
A pini kryesisht për të kaluar një situatë jo të thjeshtë apo pini për argëtim? Përgjigjja e kësaj pyetjeje do ju ndihmojë për të parë sa problematik mund të bëhet alkooli për ju në të ardhmen.
Njerëzit që pinë për të përballuar problemet e tyre kanë më shumë gjasa të zhvillojnë një çrregullim të përdorimit të alkoolit.
Individët që përjetojnë trauma, ose që janë më të prirur ndaj depresionit ose ankthit, kanë më shumë gjasa të raportojnë se pinë alkool për të lehtësuar peshën e vështirësive.
Megjithatë, kjo s'do të thotë se njerëzit që pijnë për qejf, nuk kanë asnjë rrezik për të zhvilluar probleme. Alkooli është një substancë nga e cila mund të krijohet lehtësisht varësi, veçanërisht nëse pihet në sasi të mëdha dhe shpesh.
Burimi: Psychology Today
