Shumë përdorues në Instagram nuk mund të futen në llogarinë e tyre, u është mbyllur llogaria ose kanë humbur një numër të konsiderueshëm ndjekësish.
Bllokimi filloi mëngjesin e së hënës dhe mesazhi më i shpeshtë që përdoruesit kanë marrë shkruan:
"Ne pezulluam llogarinë tuaj në 31 tetor, 2002". (via Instagram)
Platforma konfirmoi problemin në Twitter, duke thënë:
"Jemi të vetëdijshëm se disa prej jush kanë probleme me aksesin në llogarinë e Instagram. Ndërkohë që shqyrtojmë problematikën, ju kërkojmë ndjesë për shqetësimin.”
We're aware that some of you are having issues accessing your Instagram account. We're looking into it and apologize for the inconvenience. #instagramdown
— Instagram Comms (@InstagramComms) October 31, 2022
Pezullimet gjithashtu bënë që numri i ndjekësve të bjerë në mënyrë dramatike, për qindra profile. Për shembull, Cristiano Ronaldo humbi mbi 3 milionë ndjekës.
Aktualisht, disa profile janë kthyer në normalitet, të tjera ende jo.
Burimi: The Verge
