Më kujtohet mirë hera e parë që pashë videoklipin "Beautiful" të Christina Aguilera, i cili doli kur isha 12 vjeç. Nëse e keni parë ndonjëherë videon origjinale, mund ta kuptoni pse mua (dhe jo vetëm mua sigurisht) më bëri aq përshtypje. Tani, Aguilera ka vendosur të bëjë të qajë një brez krejt të ri 12-vjeçarësh, duke risjellë një tjetër video për këngën.
Videoja e vitit 2002 ishte novatore për kohën e saj, sepse, përveç paraqitjes së problemeve me adoleshentë që luftonin me imazhin e trupit, ajo gjithashtu përfshinte gjithçka që atëherë mungonte në televizione, përfshirë dy burra që putheshin me pasion dhe një grua trans duke bërë grimin e saj.
Videoja e re e vitit 2022 është pak më abstrakte, por ka pak a shumë të njëjtin mesazh.
Vetë këngëtarja ka shpjeguar pse zgjodhi të përditësojë videon dhe pse mendon se mesazhi i këngës është po aq i rëndësishëm sot sa ka qenë ndonjëherë.
“Ne jemi të bukur, pavarësisht se çfarë thonë ata! Një mesazh që do të qëndrojë gjithmonë pranë dhe një mesazh që kam prioritet ta rrënjos te fëmijët e mi në çdo kapitull të jetës së tyre”, shkroi ajo.
"Videoja origjinale 'Beautiful' synoi të sjellë ndërgjegjësim dhe një ndjenjë dhembshurie përballë gjykimit, kritikës dhe opinioneve të jashtme. Ajo mbart ende një mesazh të rëndësishëm për të kujtuar vlerat tona thelbësore jashtë asaj që na ushqehet… për të gjetur një ndjenjë ekuilibri dhe për të pranuar veten për atë që jemi.”
Vieë this post on Instagram
