Fituesit e “Love Island”, Ekin-Su Cülcüloglu dhe Davide Sanclimenti, mund të jenë shkaktarët e rritjes së rezervimeve për të pushuar në Turqi dhe Itali këtë vjeshtë.

Fluturimet nga Mbretëria e Bashkuar për në qytetin e lindjes së Ekin-Su-së, Stamboll, janë rritur rreth 626% krahasuar me vitin e kaluar, raporton motori i kërkimit të udhëtimeve KAYAK. Ndërsa vendlindja e Davide-s, Roma, po sheh 232% më shumë trafik në faqe në krahasim me periudhën shtator-nëntor 2021.

A mundet që çifti i dashur të ketë ndikuar te pushuesit? “Ndonëse ky interes mund të jenë një rastësi, nuk është hera e parë që ne shohim që kultura pop ndikon te udhëtimet,” komentoi për Euronews Evan Day, menaxher i KAYAK.

“Sigurisht që duket se ka shumë fansa për çiftin dhe pasi njoftuan për një program të ri ku do të eksplorojnë vendet e lindjes, duket e mundur që fansat të kërkojnë të eksplorojnë vendet e tyre të lindjes këtë vjeshtë.”

Enkin-Su dhe Davide u shpallën fitues të “Love Island” në Mbretërinë e Bashkuar. Ky program përfshin një grup konkurrentësh, të referuar si ishullorë, që jetojnë të izoluar nga bota e jashtme në një vilë dhe për të mbijetuar në vilë, banorët duhet të shoqërohen me një tjetër banor, qoftë për dashuri, miqësi apo para. Çifti fitues merr një total prej £50,000.

Dyshja fitoi pjesën më të madhe të audiencës me marrëdhënien e tyre të zjarrtë, pak të zhurmshme, por shumë pasionante.