Pas 10 ditëve nderimesh zyrtare, mbretëresha Elizabeth II do të përcillet sot drejt banesës së saj të fundit. Gjithë ditën e 19 shtatorit, Londra dhe e gjithë bota do t'ja dedikojë ceremonive dhe traditave- si një nga eventet më të mëdha shtetërore që është mbajtur ndonjëherë ndër vite. 

Çfarë do të ndodhë sot?

8am – Hapet Kisha katolike e Westminster 

Westminster Abbey do të hapet për kongregacionin që do të marrë pjesë në funeralin e Mbretëreshës. Funerali, do të bëjë bashkë gjithë krerët e shtetit dhe anëtarët mbretërorë që Mbretëria e Bashkuar ka pritur në dekada, do të përfshijë familje mbretërore europiane dhe liderë botërorë.

10:30 am :Arkivoli i Mbretëreshës do të dërgohet në Kishën katolike të Westminster

Arkivoli do të transportohet nga Westminster Hall në Abbey, duke u tërhequr nga 142 marinarë nga Marina Mbretërore. Mbreti Charles III, i shoqëruar nga anëtarët e familjes mbretërore, si dhe nga stafi i mbretërisë, do të ndjekë arkivolin.

10.52am – Mbërrin kortezhi në kishë

Kortezhi do të mbërrijë në  West Gate të Westminster Abbey dhe arkivoli do të mbahet nga anëtarët e sigurisë së mbretëreshës.

11am – Nisin shërbesat

Predikimi do të mbahet nga kryepeshkopi i Canterbury-t.

11.55am

Në përfundim, pritet të mbahen dy minuta heshtje

Mesditë: Përfundojnë shërbimet shtetërore

Do të luhet himni kombëtar, që njofton përfundimin e ceremonisë shtetërore. 

12:15pm – Kortezhi niset drejt  Wellington Arch

Kortezhi, do të drejtohet nga mbreti dhe përbëhet nga disa grupe të tjera ku secila do të ketë funksionin e saj.

1pm 

Kortezhi do të mbërrijë në Wellington Arch dhe pala bartëse do ta transferojë arkivolin në makinën e varrimit përpara se makina të niset për në Windsor. Do të ketë një përshëndetje mbretërore dhe do të luhet himni kombëtar.

3.06pm – Mbërritja në Windsor

Makina do të mbërrijë në Windsor dhe do t'i bashkohet kortezhit nga Long Walk në Windsor Castle.  

4pm –Nisin shërbesat e tjera

Shërbesat e tjera do të mbahen në St George’s Chapel ku pritet të  marrin pjesë rreth 800 njerëz, duke përfshirë mbretin, familjen mbretërore, udhëheqësit e Commonëealth, guvernatorët e përgjithshëm dhe njerëz që kanë qenë pjesë e familjes mbretërore, duke përfshirë stafin personal të mbretëreshës. 

7.30pm – Ceremonia private e përcjelljes

 Arkivoli i Mbretëreshës pas ceremonisë private do të prehet në kishën e St George, aty ku prehen edhe princi Phillip dhe prindërit e saj, Mbretin George VI dhe nëna Mbretëreshë.

Burimi: The Guardian