Legalizim i kanabisit  në Gjermani: Qeveria ngadalëson hapat nga frika e përplasjes me ligjet e BE-së

Pengesat ligjore po ngadalësojnë planet e qeverisë gjermane për të lejuar shpërndarjen e kontrolluar të kanabisit midis të rriturve, me frikën se një ligj i hartuar keq për legalizimin e drogës mund rrëzohet nga gjykata evropiane e drejtësisë.

Në një marrëveshje koalicioni të nënshkruar nëntorin e kaluar, qeveria trepalëshe e udhëhequr nga kancelari, Olaf Scholz, deklaroi synimin e saj për ta bërë të ligjshme shitjen e kanabisit tek të rriturit ,deri në pranverën e ardhshme.Të hënën, një analizë ligjore nga shërbimi hulumtues i parlamentit gjerman, paralajmëroi se një lëvizje për legalizimin e kanabisit do të binte ndesh me rregulloret evropiane në më shumë se një mënyrë.

Marrëveshja e Shengenit detyron gjithashtu palët e nënshkruara të kufizojnë eksportin, shitjen dhe furnizimin e paligjshëm të “drogave narkotike , përfshirë kanabisin”. Ndërsa qeveria gjermane mbetet në rrugën e duhur për të miratuar një ligj brenda mandatit aktual parlamentar për të lejuar shpërndarjen e kanabisit, ajo po sheh gjithashtu planet më të fundit në Luksemburg si një mënyrë për të legalizuar drogën me rrezik minimal të shkeljes së ligjeve europiane.

A cenohet siguria ajrore prej hacker-ave? Flet Belinda Balluku

Zëvendëskryeministrja, njëkohësisht Ministrja e Energjisë dhe Infrastrukturës, Belinda Balluku thotë se navigimi ajror nuk mund të preket nga ndonjë sulm i mundshëm kibernetik.

Gjatë një interviste në "Euroneës Albania" ministrja tha se siguria ajrore nuk mund të preket pasi "është një sistem i mbyllur dhe nuk mund të aksesohet nga jashtë.

“Linjat ajrore nuk do t’i prishin. Navigimi ajror në Republikën e Shqipërisë nuk është një program i hapur, që ka interaktivitet me programe të tjera. Është një program totalisht i mbyllur.

Në lidhje me hakerimin e sistemit TIMS në aeroportin e Rinasit dhe pikat kufitare, Balluku nënvizoi se nuk kanë të njëjtin parametër sigurie me navigimin ajror.

Trazira në kufirin mes Armenisë dhe Azerbajxhanit: Raportohet për bombardime dhe viktima

Përleshje të ashpra janë raportuar në orët e para të mëngjesit të sotëm mes Armenisë dhe Azerbajxhanit. Të dhënat e para të publikuara në media thonë se ka patur bombardime dhe si pasojë edhe disa viktima. 

Luftimet shënojnë përplasjen e fundit mes dy armiqve të mëdhenj, pas shpërthimit të një luftë në vitin 2020 mbi rajonin e kontestuar Nagorno-Karabakh.

Ministria e mbrojtjes e Armenisë tha se Azerbajxhani filloi “granatimet intensive” kundër pozicioneve ushtarake armene në drejtim të qyteteve Goris, Sok dhe Jermuk në orën 00:05 të mëngjesit (20:05 GMT) të martën. Trupat e Azerbajxhanit përdorën dronë, si dhe “artileri dhe armë zjarri të kalibrit të madh”.

Gjatë kortezhit të mbretëreshës në Skoci, turma nuk harron të abuzojë me princin Andrew

Gjatë kortezhit funebër të mbretëreshës Elizabeth, një i ri nga turma nisi të ofendonte me zë të lartë princin Andrew, i akuzuar më parë për abuzime seksuale me të mitura, në pronat e pedofilit famëkeq Jeffrey Epstein.

Siç duket dhe në videon e publikuar nga The Guardian, gjatë kohës kur kortezhi i ndjekur nga 3 bijtë e mbretëreshës, mbreti Charles, Andrew dhe Edward, si dhe bija princeshë, nis të abuzojë verbalisht me Andrew, duke e quajtur “plak i sëmurë e maniak”.

Ofendimet e të riut duket se nuk kanë të zbutur dhe vijojnë për rreth 30 sekonda derisa dikush e tërheq dhunshëm nga prapa dhe i riu rrëzohet.

Më tej kamera regjistron nga prapa turmës ku shihet që i riu “problematik” shtyhet me përbuzje nga disa persona dhe shoqërohet ose merret në mbrojtje nga një oficer policie.

Burimi: The Guardian, CNN