Bota

Lajme në pak minuta: Çfarë po ndodh në botë

Shkruar nga Anabel

6 Gusht 2022

Lajme në pak minuta: Çfarë po ndodh në botë

Putin dhe Erdogan takohen për bisedime të fshehta në Sochi

Lajme në pak minuta: Çfarë po ndodh në botë

Vladimir Putin është takuar me Recep Tayyip Erdogan për bisedime që pritet të përqendrohen në luftën e Rusisë në Ukrainë dhe që po përflitet se përfshijnë përpjekjet e Kremlinit për të anashkaluar sanksionet perëndimore. Putin e mirëpriti presidentin turk në Sochii, një qytet turistik në Detin e Zi, duke e falënderuar për ndihmën e tij në sigurimin e një marrëveshjeje ndërkombëtare që rifilloi eksportet e drithërave nga Ukraina që ishin ndërprerë nga lufta, si dhe të produkteve ushqimore ruse - në tregjet botërore.

“Ky është një problem shumë urgjent për shumë vende, para së gjithash, ato në zhvillim që janë në prag të problemeve të mëdha me furnizimin me ushqime dhe plehra. Vendimet e marra me pjesëmarrjen tuaj të drejtpërdrejtë janë shumë të rëndësishme për të gjitha këto vende”, i tha Putin Erdogan-it kur nisën takimet e tyre me dyer të mbyllura.

Por raportet kanë paralajmëruar se takimi mund të shërbejë për një motiv të fshehtë. Një raport i qeverisë ukrainase i përshkruar nga Washington Post tha se Putini do të kërkonte aksione ruse në rafineritë, terminalet dhe rezervuarët e naftës turke, në mënyrë që të ndihmonte në fshehjen e origjinës së eksporteve ruse të naftës përpara një embargoje të planifikuar të naftës nga BE. Qeveria ruse nuk e konfirmoi raportin dhe nuk kishte asnjë indikacion se Turqia do të pranonte propozimet, të cilat do ta vendosnin anëtarin e NATO-s në rrezik të konsiderueshëm të sanksioneve dytësore.

Gratë u shpuan me gjilpëra në club nate: Nis hetimi në Spanjë

Lajme në pak minuta: Çfarë po ndodh në botë

Numri i grave në Spanjë që raportojnë se janë shpuar me gjilpëra mjekësore gjatë qëndrimit në klube nate ka shkuar në 60, sipas ministrit të brendshëm të vendit. Fernando Grande-Marlaska i tha transmetuesit shtetëror TVE se policia po heton nëse "inokulimi i substancave toksike" synon të nënshtrojë viktimat dhe të kryejë një krim, kryesisht të natyrës seksuale. Ai shtoi se hetimi do të kërkojë gjithashtu të konstatojë nëse ka një motiv tjetër, si krijimi i pasigurisë, apo frikësimi i grave. Shpimet me gjilpëra në eventet muzikore kanë hutuar gjithashtu autoritetet në Francë, Britani, Belgjikë dhe Holandë. Policia franceze ka grumbulluar mbi 400 raporte në muajt e fundit dhe tha se motivi i sulmeve ishte i paqartë. Në shumë raste, gjithashtu nuk ishte e qartë nëse viktimave iu ishte injektuar ndonjë substancë.

Pak doza dhe të pakoordinuara: A ka probleme Europa për të shpërndarë vaksinën kundër lisë së majmunëve?

Lajme në pak minuta: Çfarë po ndodh në botë

Lufta kundër lisë së majmunëve ka filluar me vendet evropiane që më në fund kanë ndërmarrë veprime për të vaksinuar grupet në rrezik kundër sëmundjes. Rasti i parë i lisë së majmunëve u zbulua në Europë në fillim të majit, por vetëm në korrik Komisioni i BE-së njoftoi se kishte porositur 109,090 doza të vaksinës Bavarian Nordic. 54,530 doza të tjera u urdhëruan më vonë gjatë muajit nga Qendra Europiane për Parandalimin dhe Kontrollin e Sëmundjeve (ECDC), duke e çuar totalin në 163,620. Këto vaksina janë shpërndarë në vendet e prekura, duke përfshirë Spanjën, Gjermaninë, Portugalinë dhe Belgjikë. Numrat e vaksinave të disponueshme, megjithatë, konsiderohen të vogla; në Mbretërinë e Bashkuar, një letër e hapur nga grupet shëndetësore thoshte se të paktën 250,000 doza do të nevojiteshin për të ndaluar përhapjen e lisë së majmunëve. Mbretëria e Bashkuar siguroi 30,000 doza në qershor dhe 100,000 të tjera më vonë.

Mbi 80 burra të akuzuar për përdhunimin e tetë grave paraqiten në gjykatën e Afrikës së Jugut

Lajme në pak minuta: Çfarë po ndodh në botë

Më shumë se 80 burra të dyshuar për përdhunim në grup të tetë grave janë paraqitur në gjykatë. Burrat u arrestuan në një vend minierash të braktisur pas përdhunimeve dhe grabitjeve pranë minierës së papërdorur në qytetin Krugersdorp të Afrikës së Jugut. Të dyshuarit dyshohet se janë minatorë të paligjshëm të njohur si zama-zamas të cilët gërmojnë për ar në shumë gropa të mbyllura të minierave të zonës së Johanesburgut. Shumë nga minatorët janë të huaj, sipas raporteve lokale. Bandat zama-zama të minatorëve të paligjshëm fajësohen gjithashtu për krimet e përhapura në zonë, sipas banorëve vendas.

Përdhunimet në grup ndodhën kur një ekip që filmonte një videoklip muzikor në një nga minierat e braktisura u sulmua nga njerëz të armatosur të enjten javën e kaluar, sipas policisë. “Grupi prej 22 personash – 12 gra dhe 10 burra – ishin të zënë duke filmuar një video muzikore kur dyshohet se u sulmuan nga një grup burrash të armatosur,” tha komisioneri i policisë për provincën Gauteng. “Të dyshuarit i urdhëruan të gjithë të shtriheshin dhe vazhduan me përdhunimin e tetë prej grave dhe grabitën të gjithë sendet e tyre përpara se të largoheshin nga vendi i ngjarjes,” tha ai. Të gjitha pajisjet video të grupit u vodhën. Policia po heton 32 akuza për përdhunim.

Studimet laboratorike të mostrave të ADN-së nga gratë e përdhunuara do të përdoren për të identifikuar autorët.

MOS I HUMBISNI