Zjarr në apartament: 10 persona, përfshirë 5 fëmijë, ndërrojnë jetë, thonë autoritetet franceze

Dhjetë persona, përfshirë pesë fëmijë, thuhet se janë vrarë pas shpërthimit të zjarrit të premten në mëngjes në një ndërtesë banimi në Vaulx-en-Velin, pranë Lionit. Shërbimet e urgjencës raportuan se zjarri shpërtheu në një bllok apartamentesh shtatëkatëshe në lagjen Mas du Taureau.

Katër persona të tjerë janë në gjendje kritike, ndërsa 10 të tjerë, përfshirë dy zjarrfikës, janë lënduar. Autoritetet thanë se shkaku i zjarrit nuk dihet në këtë moment.

Harvard emëron Claudine Gay si presidenten e parë me ngjyrë

Universiteti i Harvardit njoftoi të enjten se Claudine Gay do të bëhet presidentja e 30-të, duke e bërë atë personin e parë me ngjyrë dhe gruan e dytë që drejton shkollën e Ivy League.

Gay, e cila aktualisht është dekane në universitet dhe studiuese e demokracisë, do të bëhet presidente më 1 korrik. Ajo zëvendëson Lawrence Bacow, i cili po largohet për të kaluar më shumë kohë me familjen. Një fëmijë i dy emigrantëve nga Haiti, Gay konsiderohet si një zë i rëndësishëm në çështjen e pjesëmarrjes politike amerikane.

Protestat vdekjeprurëse vazhdojnë të tronditin Perunë pasi ish-presidenti u urdhërua të qëndrojë në paraburgim

Një gjykatës ka urdhëruar presidentin peruan të rrëzuar nga detyra, Pedro Castillo, të qëndrojë në paraburgim për 18 muaj, ndërsa protestat vdekjeprurëse vazhdojnë të tronditin vendin. Castillo u akuzua për tentativë për grusht shteti, ku ish-zëvendëspresidentja Dina Boluarte denoncoi veprimet e tij përpara se të merrte rolin e tij.

Protestat kanë qenë të ashpra në rajonet e varfëra që ishin baza e mbështetjes për Castillo. Në pamundësi për të kontrolluar trazirat, qeveria shpalli emergjencë kombëtare më 14 dhjetor.

Zyrtarët ukrainas paralajmërojnë për sulm të ri nga Rusia

Zyrtarë të lartë ukrainas thonë se Vladimir Putin po përgatitet për një sulm të ri të madh në vitin e ri, pavarësisht nga një seri pengesash në fushën e betejës për Rusinë në muajt e fundit.

Në një intervistë me Guardian, ministri i mbrojtjes i Ukrainës, Oleksii Reznikov, tha se ndërkohë që Ukraina tani ishte në gjendje të mbrohej me sukses kundër sulmeve me raketa të Rusisë që synonin infrastrukturën kryesore, duke përfshirë rrjetin e energjisë, provat po tregojnë se Kremlini po përgatit një sulm më të gjerë.

Tensionet me Ruandën: Fituesi i çmimit Nobel kritikon "neglizhencën" perëndimore

Denis Mukwege ka kërkuar vendosjen e sanksioneve ndaj Ruandës për të lehtësuar krizën në Republikën Demokratike të Kongos. Perëndimi duhet të heqë “standardet e tij të dyfishta” dhe të veprojë me vendosmëri kundër dhunës që po përkeqësohet në Republikën Demokratike të Kongos (RDK), tha Dr. Denis Mukwege, kirurgu fitues i çmimit Nobel.

Ruanda është akuzuar nga OKB-ja për mbështetjen e milicisë rebele M23, e cila shkaktoi përleshje në nëntor 2021 dhe ka marrë një pjesë të territorit në lindje të RDK-së. Ruanda e mohon pretendimin.

Sipas Mukwege-s, perëndimi ka dështuar në vendosjen e sanskioneve kundër Ruandës dhe është treguar indiferent ndaj vuajtjeve të afrikanëve.