Shtatzania

Si ndryshon gjoksi pas shtatzënisë – dhe a kthehet si më parë?

Shkruar nga Anabel

18 Korrik 2022

Si ndryshon gjoksi pas shtatzënisë – dhe a kthehet si më
Kristina Baki, korrik 2021 (para shtatzënisë) – Kristina Baki, korrik 2022 (pas shtatzënisë)

Dikush i komentoi modeles Kristina Baki në Instagram duke i thënë se “ka bërë gjoksin”, gjë të cilën ajo e mohoi duke thënë se ndryshimi ka lidhje me faktin që sapo është bërë nënë. Nisur nga kjo, ç’duhet të dini për ndryshimet e gjoksit gjatë dhe pas shtatzënisë?

Ndryshimet në zonën e gjoksit janë të zakonshme gjatë dhe pas shtatzënisë, pavarësisht nëse një grua e ushqen foshnjën me gji apo jo. Shumë ndryshime ndodhin natyrshëm pas lindjes, megjithatë është e rëndësishme të diskutoni çdo simptomë të pazakontë ose shqetësuese me një mjek.

Ndryshimet e gjoksit gjatë shtatzënisë

Ndryshimet në gjoks dhe thithka mund të fillojnë që në fillim të shtatzënisë dhe të vazhdojnë gjatë gjithë periudhës. Hormonet dhe rritja e qarkullimit të gjakut janë përgjegjëse për këto ndryshime. Simptomat e hershme mund të përfshijnë:

- ndjeshmëri
- rritja e shpejtë e indeve të gjirit
- gjinj të ndjeshëm ose të rëndë
- vena blu të theksuara

Në tremujorin e dytë, ndryshimet e zakonshme përfshijnë:

- zonë më e errët dhe më e rrumbullakët në zonën që rrethon thithkat
- rrjedhje nga thithkat
- gunga në kanalet e bllokuara të qumështit

Ndryshimet e gjoksit gjatë tremujorit të fundit përfshijnë zgjerimin e vazhdueshëm të gjinjve dhe rrjedhjen e thithkave, së bashku me zhvillimin e strijave në lëkurë.

Ndryshimet e gjoksit pas shtatzënisë

Pas lindjes, ndryshimet e gjoksit vazhdojnë të ndodhin. Më të zakonshmet janë:

1. Rrjedhje: Rreth 3-5 ditë pas lindjes, vjen qumështi. Një tregues i mirë i kësaj është se kolostrum - lëngu i trashë dhe i verdhë që mund të jetë ushqimi i parë i foshnjës - bëhet më i lehtë në ngjyrë dhe më i hollë në konsistencë.

2. Rritja e gjirit: Rritja e gjoksit është e natyrshme pas lindjes. Një grua gjithashtu mund të përjetojë:

- gjoks të rëndë dhe të fortë
- gunga në indin e gjirit
- parehati
- thithat që rrjedhin

Si ndikon ushqyerja me gji tek gjinjtë?

Gjatë ushqyerjes me gji, mund të ndodhin ndryshime të tjera:
- ndjesi shpimi gjilpërash
- rritja e madhësisë të gjinjve
- thithka të lënduara ose të plasaritura

A kthehen gjinjtë në normalitet?

Në përgjithësi, gjinjtë priren të kthehen në madhësinë e tyre origjinale kur trupi ka peshën para shtatzënisë. Te të tjerat gjoksi mund të mbetet më i madh se më parë.

Megjithatë, forma e gjinjve mund të ndryshojë. Kjo ndodh për shkak se fryrja që ndodh nga qumështi i gjirit mund të lirojë ligamentet në gjoks, duke i bërë gjinjtë më të varur. Disa gra besojnë se nëse nuk ushqejnë fëmijën me qumësht gjiri, nuk do të përjetojnë ndryshime të gjoksit pas shtatzënisë. Kjo nuk është e vërtetë sepse shtatzënia shkakton shumicën e ndryshimeve në gji dhe jo specifikisht ushqyerja me gji.

Faktorët që kanë një efekt më të rëndësishëm në gji sesa ushqyerja me gji përfshijnë:

- mosha
- gjenetika
- shtimi i peshës gjatë shtatzënisë
- numri i shtatzënive
- pirja e duhanit
- madhësia e gjoksit para shtatzënisë

Artikuj të rekomanduar:

- Burime ndihmëse: Medical News Today, Healthline

Bëhu pjesë e shorteut Coca-Cola

Fito çdo javë një Smart TV.

Ad by Mediadesk.al

MOS I HUMBISNI