Vështirë të ketë një ngjarje sportive ku të jenë të pranishëm anëtarët e familjes mbretërore dhe të mos vjedhin vëmendjen. Këtë herë, pas princit Louis disa javë më parë në jubileun e mbretëreshës, është radha e princit George.

Djali i madh i princit William dhe Kate Middleton bëri një paraqitje surprizë në finalet e Wimbledon të dielën dhe u fotografua me disa mimika qesharake. I veshur me një kostum blu, princi George u ul mes Dukës dhe Dukeshës së Cambridge-it teksa shikonin kampionin në fuqi Novak Djokovic të përballej me Nick Kyrgios.

Vogëlushi u fotografua teksa kruante hundën në një moment.

Pamja e George u kujtoi njerëzve daljen e parë të princit William në Wimbledon në vitin 1991, kur ai mori pjesë në finalet e femrave së bashku me nënën e tij të ndjerë, Princeshën Diana.