Vaksina për të ndaluar transmetimin e Covid duhet të jetë prioritet kryesor, thotë shkencëtari kryesor në Mbretërinë e Bashkuar
Prej kohësh, është e diskutueshme se sa gjatë do të përdoren vaksinat aktuale të Covid-19 pasi ato e kanë bërë kryesisht punën e tyre në parandalimin e vdekjeve masive dhe shkencëtarët duhet të përqendrohen në zhvillimin e një vaksine që ndalon transmetimin e virusit, sipas shkencëtarit kryesor në Mbretërinë e Bashkuar, John Bell.
"Ne kemi nevojë për një vaksinë të re për të ndaluar transmetimet dhe ka shumë ide interesante," tha Bell, profesor i mjekësisë në Universitetin e Oksfordit dhe një ish-anëtar i grupit të punës së vaksinave në Mbretërinë e Bashkuar, i cili ka punuar për Oxford/AstraZeneca.
Talibanët urdhërojnë të gjitha gratë afgane që të mbulojnë fytyrat në publik
Talibanët kanë urdhëruar të gjitha gratë të mbulojnë fytyrat e tyre në publik në Afganistan. Ky është kufizimi më i fundit gjithëpërfshirës nga qeveria që ka hequr të drejtën e grave për të udhëtuar vetëm në distanca të gjata, për të punuar jashtë kujdesit shëndetësor ose arsimor dhe për t’u arsimuar në shkollë të mesme.
Nëse fytyrat e tyre shihen në publik, "kujdestari" i tyre mashkull do të gjobitet, pastaj do të burgoset. Nëse gruaja që del e pambuluar ose i afërmi i saj punon për qeverinë, duhet të pushohen nga puna. Dekreti i ri thotë që gratë nuk duhet të largohen fare nga shtëpitë e tyre nëse është e mundur, duke thënë se ky ishte "opsioni më i mirë për të respektuar hixhabin e sheriatit.”
Jacinda Ardern izolohet pasi partneri i saj rezultoi pozitiv me Covid
Kryeministrja e Zelandës së Re, Jacinda Ardern, është detyruar të qëndrojë shtatë ditë në izolim pasi partneri i saj rezultoi pozitiv me Covid-19. Ardern njoftoi izolimin e saj në një postim në rrjetet sociale duke uruar një festë të gëzuar për Ditën e Nënës për ndjekësit e saj. Arden tha se do të vazhdojë të punojë në distancë gjatë periudhës së izolimit.
Lufta në Ukrainë: OBSH fillon të mbledhë prova të krimeve të luftës në objektet shëndetësore
Organizata Botërore e Shëndetësisë (OBSH) po mbledh prova për një hetim të mundshëm të krimeve të luftës në sulmet që thotë se ka dokumentuar nga Rusia në objektet e kujdesit shëndetësor në Ukrainë, tha të shtunën në Kiev.
Drejtori i Emergjencave të OBSH-së, Mike Ryan, në një vizitë të paparalajmëruar së bashku me shefin e OBSH-së, Tedros Adhanom Ghebreyesus, tha në një konferencë për shtyp se ishte përgjegjësi e qartë e palëve ndërluftuese për të shmangur sulmin ndaj objekteve shëndetësore, megjithatë OBSH kishte dokumentuar tashmë 200 sulme në spitale dhe klinika.
“Sulmet e qëllimshme në objektet e kujdesit shëndetësor janë një shkelje e ligjit ndërkombëtar humanitar dhe si të tilla përfaqësojnë krime lufte në çdo situatë,” tha Ryan.
Zonja e Parë e SHBA-së Jill Biden viziton fëmijët refugjatë ukrainas
Zonja e Parë e SHBA, Jill Biden dhe homologia e saj rumune, Carmen Iohannis, vizituan të shtunën një shkollë në Bukuresht ku po arsimohen fëmijët refugjatë ukrainas.
Rreth dy mijë fëmijë refugjatë ukrainas janë regjistruar për të ndjekur mësimet në shkollat rumune. Dy zonjat e para biseduan me mësueset dhe nënat ukrainase dhe i vlerësuan për guximin e tyre.
Burimet: Guardian, Euronews
