Nëse e mendojmë pornografinë si një produkt të bërë nga burrat për burrat, do të shohim se në ato video shpeshherë gruaja bëhet pjesë e akteve seksuale që janë degraduese dhe madje edhe të dhunshme ndaj tyre.
Nisur nga kjo, jo pak njerëz e shohin pornografinë si një rrezik për shoqërinë, për faktin që ofron modele agresioni ndaj grave, duke i bërë edhe më të "pandjeshëm" burrat ndaj sjelljeve të tilla, apo duke i inkurajuar t'i trajtojnë gratë keq.
Ka disa të vërteta në këtë këndvështrim. Megjithatë, ka pak prova për të mbështetur pretendimin se shikimi i pornografisë së dhunshme çon në akte të dhunës seksuale në jetën reale.
Për më tepër, ka shumë kategori të pornografisë, secila prej të cilave tërheq audiencë të ndryshme. Kjo përfshin pornografinë "miqësore për femra", e cila zakonisht portretizon çiftet e dashuruar në situata romantike dhe partnerë që tregohen shumë të vëmendshëm dhe të kujdesshëm ndaj gruas që kanë në krah. Mesa duket, nëse një grua dëshiron të shikojë porno, kjo është ajo që ajo duhet të dëshirojë.
Megjithatë, gratë kohët e fundit kanë hyrë në industrinë e pornografisë, jo si interpretuese, por si prodhuese. Në fakt, kompania Bellesa e promovon veten si "një kompani pornografike e drejtuar nga gratë". Faqja e saj e internetit ofron disa kategori pornografike, në të cilat ndodhet edhe ajo me skenarin ku "burri dominon gruan". Por çfarë lloj gruaje do të dëshironte të shikonte një porno të tillë?
Sipas studiueses finlandeze të medias Susanna Paasonen, ka arsye të mira për të menduar se gratë tërhiqen nga i njëjta gamë videosh pornografike si burrat. Në një artikull të fundit, Paasonen analizon përgjigjet e më shumë se 2000 grave finlandeze ndaj pyetjeve në lidhje me sjelljet e tyre të ndjekjes së pornografisë.
Pyetja kryesore ishte: “A ka diçka që ju ndez, edhe nëse ndihet konfuze, e rëndë apo e çuditshme? Na tregoni më shumë!”
Sondazhi u krye nga kompania finlandeze e transmetimit publik Yle për një program popullor "lifestyle" të quajtur Jenny+. Shumica e të anketuarve ishin midis 20 dhe 40 vjeç, duke reflektuar demografinë e shikueshmërisë së programit.
Sondazhi tregoi se shumë gra preferonin të shihnin pornografi të dhunshme, filluar nga dominimi dhe nënshtrimi deri te shuplakat dhe tërheqja e flokëve, madje edhe përdhunimi.
Porno si fantazi dhe jo si reflektim i realitetit
Shumë nga të anketuarat që thanë se ishin eksituar nga pornografia e dhunshme theksuan se nuk donin të përfshiheshin në atë lloj sjelljeje seksuale me partnerin e tyre. Një grua tha:
“Nuk më pëlqen vërtet ky lloj seksi në jetën reale, por për disa arsye, dua ta shoh në pornografi”.
Në fakt, shumë prej grave shprehën një kuptim të qartë të pornografisë si fantazi dhe jo si një pasqyrim i realitetit. Kjo sugjeron që për këto gra pornografia nuk është një reflektim apo zëvendësim i jetës së tyre seksuale, por një aspekt tjetër i seksualitetit të tyre.
Për më tepër, pornografia apo lojërat me "skenarë" me partnerin - mbeten një vend i sigurt për të eksploruar seksualitetin tuaj.
Burimi: Psychology Today
