Rruga e procesionit për kurorëzimin e mbretit Charles III do të jetë shumë më e shkurtër se në vitin 1953
Mbreti Charles dhe Camilla do të mbërrijnë në Westminster Abbey për kurorëzimin më 6 maj me një karrocë që do të përshkojë një rrugë procesioni shumë të shkurtër se ajo e kurorëzimit të mbretëreshës së ndjerë Elizabeth II në vitin 1953. (Procesion - varg njerëzish që ecin në të njëjtin drejtim, veçanërisht në mënyrë formale si pjesë e një ceremonie fetare ose festë publike).
Në përputhje me dëshirën e mbretit për një ceremoni më të vogël, procesioni prej 2.1 km do të jetë shumë më i shkurtër se ai i organizuar për kurorëzimin e nënës së tij, e cila udhëtoi me karrocën e artë në të dy udhëtimet; 2.5 km për në abaci dhe kthimi rreth 8 km.
Marsejë: dy të vdekur dhe gjashtë të zhdukur pas shpërthimit që shkatërroi ndërtesat
Dy trupa u gjetën në rrënojat e një ndërtese që u shemb në Marsejë pas një shpërthimi të madh, thanë autoritetet franceze herët të hënën, ndërsa punonjësit e shpëtimit po përpiqen të gjejnë të paktën gjashtë persona ende të zhdukur.
“Duke pasur parasysh vështirësitë e veçanta të ndërhyrjes, nxjerrja [e trupave nga vendi] do të kërkojë kohë”, tha departamenti i zjarrfikësve në një deklaratë duke njoftuar se trupat ishin gjetur.
Shkaku i shpërthimit ende nuk dihet, por hetuesit po shqyrtojnë mundësinë që të jetë pasojë e një rrjedhje gazi.
Orteku vret të paktën katër persona në Francë
Katër persona kanë humbur jetën dhe dy të tjerë janë zhdukur si pasojë e një orteku pranë Mont Blanc në Francën juglindore. Mes të vdekurve ishin dy udhërrëfyes malorë. Hetuesit janë thirrur për të ndihmuar në kërkimin e dy personave ende të pagjetur në Alpe.
Asnjë paralajmërim për ortek nuk ishte lëshuar për rajonin nga autoriteti i motit Meteo France, por një kombinim i ngrohtësisë dhe erës mund të ketë shkaktuar ortekun, shtoi prefektura.
Ritet fetare pa përleshje në Jeruzalem, por rajoni përgatitet për dhunë të mëtejshme
Ritet fetare muslimane dhe ato të hebrenjve në xhaminë al-Aksa dhe tempullin e Jeruzalemit kanë kaluar pa përplasje të mëdha.
Rreth 15,000 hebrenj u mblodhën në Murin Perëndimor në Jeruzalem, vendi më i shenjtë ku hebrenjtë mund të luten, të dielën në mëngjes për Pashkën e hebrenjve, që feston historinë biblike të ikjes së izraelitëve nga skllavëria në Egjipt. Në të njëjtën kohë, mijëra palestinezë kryen lutjet muslimane të agimit dhe mesditës në al-Aksa. Pelegrinët e krishterë gjithashtu festuan Pashkën. Kjo shënoi një rast të rrallë të festimeve në tre besime të ndryshme.
Megjithatë priten përplasje të dhunshme në vijim. Izraeli ka kryer mijëra sulme në Siri gjatë luftës 12-vjeçare, me qëllim sabotimin e fuqizimit iranian, por rrallëherë i pranon ato.
Mbrojtja ajrore e Ukrainës së shpejti mund të mbetet pa raketa, sugjeron Pentagoni
Mbrojtja ajrore e Ukrainës rrezikon të mos ketë më raketa dhe municione brenda këtyre javëve, sugjeron një dokument i Pentagonit që daton në shkurt, ndërsa zyrtarët e mbrojtjes amerikane u përpoqën të gjurmojnë se si dosjet u bënë publike.
Në një deklaratë të dielën, Pentagoni tha se po shqyrtonte vlefshmërinë e dokumenteve të fotografuara që “duket se përmbajnë materiale shumë sekrete.”
Sistemet e mbrojtjes ajrore të Ukrainës mund të kenë probleme deri në mes të prillit, raportoi New York Times dhe mbrojtja ajrore që mbron trupat në vijën e parë mund të “reduktohet plotësisht” deri më 23 maj.
