Që pas premierës më 7 prill, “Dashuri dhe Turbulenca” po bën namin! Biletat që shiten në kohë rekord dhe ishin sold out në fundjavën e parë të premierës, mijëra ndjekës në faqen e filmit në Instagram dhe komentet e shumta që vlerësojnë komedinë janë disa nga treguesit e suksesit të filmit.

Një prodhim i Papadhimitri Production, “Dashuri dhe Turbulenca” ka në qendër jetën e Edit (Amos Muji Zaharia), një biznesmen i suksesshëm, që kujdeset shumë për veten dhe bën një jetë të mirë, por ka një dobësi: Gratë. Edi ka tre të fejuara, Kristinën, Elenin dhe Françeskën (Alesia Xhemalaj, Sara Kolami dhe Olimpia Smajlaj), që treja stjuardesa.

Gjithë konflikti dhe humori ndërtohet në momentin kur shfaqet shoku i vjetër i Edit, Danieli (Gentian Zenelaj), që së bashku me asistenten e tij të sertë Fridën (Rudina Dembacaj) përfshihen në një situatë të komplikuar: Të treja të fejuarat ndodhen në qytet, njëkohësisht! A do të arrijë Edi t'i shpëtojë lëmshit që ka krijuar me duart e tij?

“Dashuri dhe Turbulenca” mund ta shihni në Cineplexx në QTU dhe TEG si edhe në Kinema Millenium.